Foto: istockphoto.com
Shildeniń bir túninde Astrahandaǵy úılerdiń birine qaraqshylyq qarýly shabýyl jasady. Bul kezde úıde tórt eresek adam men úsh jasar bala bar edi. Qaraqshylyq shabýyl nashar túsirilgen kınonyń jelisi tárizdi órbidi. Olar úı ıelerine kúsh kórsetip, qoqan-loqqy jasap, aqsha men zergerlik buıymdardy talap etti. Aram oılaryn júzege asyrǵan soń barlyq adamdardy kishkentaı balamen birge jertólege qamap tastady.
Qylmyskerler oqıǵa ornyndaǵy barlyq qylmys izin tazalap bolǵan soń aýlada turǵan kólikti de minip ketti. Olardy taǵy bir qylmystyq iske qatysy bar taǵy bir adam tosyp turǵan bolatyn.
Alǵashqy bette polısııa qyzmetkerleri bul isti el aralap júretin qylmyskerler jasaǵan bolýy kerek dep topshylady. Joramal durys shyqty. Qylmyskerlerdiń ekeýi Tarazdan, bireýi Shymkentten eken. Olar oqıǵa ornynan áýeli Astanaǵa, keıin Tarazǵa ketken.
Otbasyna keltirilgen materıaldyq shyǵyn 4,2 mln teńge tóńireginde. Úıdi tonaǵan, adamdardy qorqytyp-úrkitken ekeýi 8,5 jyldan jaza arqalady. Al, kólikti syrtta tosyp turǵan adam 5 jylǵa sottaldy. Sottalǵandardan moraldik shyǵyn óndirildi.
