Foto: azattyq-ruhy.kz (arhıv)
Jýrnalısterdiń medısına qyzmetkerlerine shabýyl jasaǵany úshin jaýapkershilikti kúsheıtetin jańa normalarǵa baılanysty qoıǵan suraǵyna jaýap bergen Igor Lepeha naqty quqyqtyq baǵa tergeý barysynda beriletinin aıtty. Onyń sózinshe, bul jaǵdaıda qylmystyń ózi asa aýyr sanatqa jatady.
«Bul – naqty tergeýshiniń quzyretindegi másele. Istiń barlyq mán-jaıy eskerilip, soǵan saı quqyqtyq baǵa beriledi. Degenmen, adam óltirý faktisi boıynsha qylmystyq istiń qozǵalýynyń ózi óte aýyr saldardy bildiredi. Jańa normalar negizinen qorqytý nemese kúsh qoldaný qaýpi bar jaǵdaılarǵa qatysty qabyldanǵan. Al adam óltirý – bul óz aldyna bólek, asa aýyr qylmys, onyń saralaý belgileri ózgeshe. Ondaı bap onsyz da óte qatań, sondyqtan qosymsha túzetýlerdiń qajeti joq», dedi Igor Lepeha.
Sonymen birge IIM basshysynyń orynbasary tergeý organdary qajet bolǵan jaǵdaıda isti Qylmystyq kodekstiń ózge de normalarymen jıyntyq túrde qarastyrýy múmkin ekenin atap ótti.
