Is-sharaǵa Qazaqstan Respýblıkasy Ishki ister mınıstriniń orynbasary – Ulttyq ulannyń Bas qolbasshysy general-maıor Ańsaǵan Baltabekov, «Analar júregi» sarbazdar analary komıteti» RQB jetekshisi Lılııa Haırýllına, Bas qolbasshylyqtyń ofıserleri, sondaı-aq qoǵamdyq birlestik ókilderi qatysty.
Qujat merzimdi áskerı qyzmettegi sarbazdardyń quqyqtary men zańdy múddelerin qorǵaý máseleleri boıynsha ózara is-qımyldy odan ári damytýǵa, azamattyq qoǵam ınstıtýttary men quqyqtyq tártip áskerleri arasyndaǵy senimdi nyǵaıtýǵa, sondaı-aq áskerı qyzmet ótkerý úshin qolaıly jaǵdaılar jasaýǵa baǵyttalǵan.
О́rt kezinde erlik tanytqan jigit Ulttyq ulan qataryna qosyldy
General-maıor Ańsaǵan Baltabekov óz sózinde Ulttyq ulannyń qoǵamdyq uıymdarmen kóp jyldan beri júıeli ári nátıjeli ózara is-qımyl ornatyp kele jatqanyn atap ótip, Sarbazdar analary komıtetimen yntymaqtastyqty qoǵamdyq baqylaýdy qamtamasyz etýdiń jáne jeke quramnyń moraldyq-psıhologııalyq ahýalyn qoldaýdyń mańyzdy tetigi retinde baǵalady.
О́z kezeginde RQB jetekshisi Lılııa Haırýllına qol jetkizilgen kelisimderdiń mańyzdylyǵyna toqtaldy:
«Biz úshin bul memorandým – naqty ózara is-qımyl quraly. Ulttyq ulanmen birlesken jumys ata-analardyń ótinishterine jedel den qoıýǵa, sarbazdarǵa qoldaý kórsetýge jáne áskerı qyzmet barysynda qaýipsiz ári syılastyqqa negizdelgen orta qalyptastyrýǵa múmkindik beredi», dedi Lılııa Iýrevna.
Aıta keteıik, 2025 jyly taraptar 100-den astam birlesken is-shara ótkizdi. Komıtet ótinishteri negizinde kazarmalar, ashanalar men monsha-jýyný nysandaryna birlesken komıssııalyq tekserýler uıymdastyrylyp, medısınalyq jáne materıaldyq qamtamasyz etý, sondaı-aq jeke quramnyń tamaqtanýyn uıymdastyrý máseleleri qaraldy.
Sonymen qatar jyl basynan beri Ulttyq ulannyń áskerı bólimderinde komıtet ókilderi, áskerı prokýratýra jáne jergilikti atqarýshy organdardyń qatysýymen «Ásker analar kózimen» aksııasy júzege asyrylyp jatyr.
Taraptar memorandým erejelerin iske asyrý áskerı qyzmetshilerdiń áleýmettik qorǵalý deńgeıin arttyrýǵa jáne ózara senim men jaýapkershilik mádenıetin nyǵaıtýǵa yqpal etetinine senim bildirdi.
