«Nashaqorlyq pen narkobızneske qarsy kúres jónindegi keshendi jospardy iske asyrý aıasynda qylmystyq ister boıynsha zattaı dálel retinde tanylǵan esirtki zattary, sondaı-aq olardy daıyndaýǵa, saqtaýǵa, qaptaýǵa jáne tutynýǵa paıdalanylǵan túrli zattar men quraldar joıyldy. Mundaı is-sharalar qoǵamdyq qaýipsizdikti qamtamasyz etýge jáne esirtki qylmysyna qarsy kúresti kúsheıtýge baǵyttalǵan», dedi Pavlodar oblysy PD ókilderi.
Qosshyda esirtki jarnamasymen aınalysqan jastar áshkere boldy
Vedomstvo zańsyz esirtki aınalymyna qarsy is-qımyl jumystary keshendi sıpatta júrgizilip jatqanyn atap ótti. Jedel-izdestirý sharalarymen qatar, profılaktıkaǵa, halyq arasynda tyıym salynǵan zattarǵa degen teris kózqaras qalyptastyrýǵa jáne jastardyń zańsyz áreketterge tartylýynyń aldyn alýǵa erekshe kóńil bólinip jatyr.
Polısııa óńir turǵyndaryn azamattyq belsendilik tanytyp, beıjaı qaramaýǵa shaqyrady.
«Esirtkiniń zańsyz aınalymy týraly kez kelgen aqparat sheshýshi ról atqarýy múmkin.Quqyqqa qarsy áreketter týraly «Police 102» mobıldi qosymshasy arqyly, senim telefonyna nemese 102 nómirine habarlaýǵa bolady. Anonımdikke kepildik beriledi», deıdi vedomstvo.
