Josparǵa sáıkes, «Týrgýndı – Gerat – Kandagar – Spın-Boldak» baǵyty boıynsha temirjol jelisin salýǵa deıingi ınvestısııa kólemi 500 mln dollarǵa baǵalanyp otyr. Bul baǵyt Qazaqstan úshin soltústik jáne Kaspıı mańy dálizderine balama usynyp, dástúrli tranzıt joldaryna táýeldilikti azaıtýǵa múmkindik beredi.
Joba bolashaqta Ortalyq Azııa men Ońtústik Azııany jalǵaıtyn transulttyq kólik dáliziniń negizgi býyny retinde qarastyrylyp otyr. Sarapshylardyń pikirinshe, mundaı baǵyt aımaqtyq saýda kólemin arttyryp, júk tasymalynyń geografııasyn ártaraptandyrýǵa jol ashady.
Kólik vıse-mınıstri Jánıbek Taıjanov jobanyń josparly túrde iske asyrylyp jatqanyn málimdedi. Onyń aıtýynsha, aqpan aıynda Qazaqstan, Aýǵanstan jáne Birikken Arab Ámirlikteri arasynda úshjaqty memorandýmǵa qol qoıý kózdelip otyr. Sonymen birge marshrýtty qoldaǵan Pákistan tarapymen jeke qujat bekitý josparlanǵan.
2029 jylǵa deıin Qazaqstanda 11 myń shaqyrym temirjol jelisi jóndeledi
Resmı derekke qaraǵanda, bul bastama Qazaqstannyń kólik-logıstıkalyq strategııasynda mańyzdy oryn alady. El úshin Úndi muhıty baǵytyna shyǵý jańa naryqtarǵa jol ashyp qana qoımaı, óńirlik tranzıttegi rólin kúsheıtýge yqpal etedi.
