Statıstıkaǵa zer salsaq, áıelder arasyndaǵy onkologııalyq aýrýlardyń qurylymynda jatyr moıny obyry sút bezi obyrynan keıin 2-shi qatarda. Qaýip kóbine 40 jastan asqan áıelderde týyndaıdy. Sondyqtan dárigerler áıelderdi ýaqtyly skrınıngten ótýge shaqyrady. Bizdegi skrınıngtiń ulttyq baǵdarlamasy isik aldy jaǵdaılardy jáne aýrýdyń erte formalaryn anyqtaýǵa baǵyttalǵan. Sebebi aýrý neǵurlym erte satyda anyqtalsa, tolyq emdeýge múmkindik artady.
Klınıkalyq jaǵdaıdy mysal etsek, operasııalyq ústelde 50 jastaǵy áıel jatyr delik. Pasıentten jatyr moınynyń preınvazıvti obyry josparly tekserý kezinde anyqtalǵan. Iаǵnı, aýrýdyń bar ekeni der kezinde belgili bolǵan. Mundaı jaǵdaıda Ulttyq ǵylymı onkologııa ortalyǵynyń dárigerler toby laparoskopııalyq ádispen radıkaldy hırýrgııalyq emdeý júrgizedi. Jatyrdy moıynmen, analyq bezdermen jáne jatyr tútikterimen alyp tastaıdy.
Osy operasııa áıeldegi III dárejeli semizdikke baılanysty tehnıkalyq kúrdeli sanalady. Alaıda, az ınvazıvti laparoskopııalyq qoljetimdilik asqyný qaýpin azaıtýǵa, aralasýdy qaýipsiz túrde jasaýǵa, qalpyna keltirýdi aıtarlyqtaı jyldamdatýǵa múmkindik beredi.
Osylaısha, operasııany sátti ótkizýge bolady. Qysqasy, turǵyndar ýaqtyly tekserýden ótip tursa, aýrýdy túbegeıli jeńýge múmkindik týdy. Biraq odan da tıimdi joly – profılaktıka. Iаǵnı aldyn alý sharalary. Ol – adam papıllomasy vırýsyna qarsy vaksınasııa. Bul Dúnıejúzilik densaýlyq saqtaý uıymynyń Jatyr moıny obyryn joıý jónindegi jahandyq strategııasynyń bóligi sanalady. Tájirıbe, ıaǵnı vaksınasııa álemniń 148 elinde qoldanylady. Al bizde qyzdardy ımmýndaý 2024 jyldan bastap profılaktıkalyq ekpelerdiń ulttyq kúntizbesine sáıkes júrgiziledi.
