Memleket basshysy Qasym-Jomart Toqaevtyń Ulttyq quryltaıdyń V otyrysynda Qazaqstan halqy Assambleıasy men Ulttyq quryltaıdyń ornyna Halyq keńesin qurýdy usynǵan bolatyn.
Búgin Konstıtýsııalyq komıssııa Halyq keńesin qurý, onyń ókilettikteri jáne qyzmetin uıymdastyrý jeke konstıtýsııalyq zańmen anyqtalatynyn málimdedi.
Sergeı Ponomarevtiń aıtýynsha, Halyq keńesiniń quramynda 126 múshe bolady. Onyń ishinde 42 múshesi eldegi etnostardyń ókilderinen, taǵy 42-si qoǵamdyq birlestikterden, sondaı-aq óńirlerdegi máslıhattardan 42 ókil bolady.
Maksım Rojın: Halyq keńesi – jalpyulttyq dıalogtyń jańa formaty
Halyq keńesiniń ókilettigi 71-shi bapta kórsetilgen:
- Memlekettiń ishki saıasatynyń negizgi baǵyttary boıynsha usynystar ázirleý;
- Qoǵamdyq kelisimdi, ulttyq birlikti jáne yntymaqtastyqty nyǵaıtý;
- Qazaqstan Respýblıkasynyń negizgi qaǵıdattary men ulttyq qundylyqtardy nasıhattaý;
- Zań jobalaryn Quryltaıǵa usyný;
- Respýblıkalyq referendým ótkizýge bastamashylyq jasaý.
Sondaı-aq Konstıtýsııalyq sot tóraǵasynyń orynbasary Baqyt Nurmuhanov jańa joǵary keńes organy Qazaqstan halqynyń múddelerin bildirý jáne zań shyǵarý bastamasy quqyǵyna ıe bolatynyn málimdegen.
