Oblystyq aýyl sharýashylyǵy basqarmasynyń deregine súıensek, mal sanyn kóbeıtý baǵytyndaǵy jumystar júıeli jalǵasýda. О́tken jyly «Agrarlyq nesıe korporasııasy» arqyly 3,3 mlrd teńge qarjy bólinip, nátıjesinde 12,1 myń bas jylqy, iri qara jáne usaq mal satyp alynǵan.
Sonymen qatar bordaqylaý alańdarynyń qýattylyǵyn arttyrý maqsatynda atalǵan korporasııa 5 paıyzdyq jeńildetilgen mólsherlememen eki jańa nesıeleý baǵdarlamasyn iske qosty. Alǵashqy baǵdarlama aıasynda Aqsý, Alakól aýdandary men Taldyqorǵan qalasyndaǵy úsh bordaqylaý alańyna jalpy kólemi 1,5 mlrd teńge nesıe berildi. Ekinshi baǵdarlama boıynsha qarjylandyrý kóktem mezgilinde bastalmaq. Qazirgi tańda óńirde 29,2 myń iri qaraǵa eseptelgen 72 bordaqylaý alańy jumys isteıdi.
Jekemenshik ınvestısııa da nazardan tys emes. Máselen, «NAT AGRO» JShS óz qarajaty esebinen 1,5 mlrd teńgege 2 myń basqa arnalǵan bordaqylaý alańynyń qurylysyn aıaqtaǵan. Kásiporyn jylyna 1 500 tonna et óndirýdi josparlap otyr.
Jalpy, 2026 jyly mal sharýashylyǵy salasyna bólinetin sýbsıdııa kólemi ótken jylmen salystyrǵanda eki esege ulǵaıtylýy — salaǵa degen memlekettik qoldaýdyń arta túskenin ańǵartady. Bul sharalar óńirdiń azyq-túlik qaýipsizdigin nyǵaıtyp qana qoımaı, aýyl ekonomıkasynyń damýyna serpin bermek.
