«Ata Zańymyzdaǵy «Zań men tártip» qaǵıdaty – Ádiletti Qazaqstan ıdeıasyn nyǵaıtýdyń negizgi sheshimi dep sanaımyn. Búginde álem jurty Qazaqstandy azamattardyń quqyǵy men bostandyqtaryn múltiksiz saqtaýǵa aıryqsha basymdyq beretin el dep tanıdy. Bul bastama bolashaq urpaq úshin birlik pen yntymaqty, etnosaralyq jáne konfessııaaralyq kelisimdi odan ári saqtaýdyń berik irgetasyna aınalady», dedi Jeńis Qasymbek Konstıtýsııalyq reformalar komıssııasynyń V otyrysynda.
Elorda ákimi kóptegen elde damýdyń negizgi faktory zań ústemdigi men tártiptiń saqtalýymen baılanysty ekenin atap ótti. Azamattary óziniń zań aldyndaǵy qatań jaýapkershiligin túsinedi jáne zań men tártipke baǵyný mádenıetin qatań ustanady. Mundaı elder álemdegi eń qaýipsiz memleketterdiń qatarynda, al adamdary memlekettik ınstıtýttarǵa tolyqtaı senedi.
Janarbek Áshimjan: Halyq keńesi jańa qoǵamdyq kelisimniń tiregine aınalýy tıis
2023 jyly Memleket basshysy kótergen «Taza Qazaqstan» ıdeıasy da el azamattarynyń ómir saltyna aınaldy.
«Bul qaǵıdatty negizgi postýlattardyń biri retinde engizý – azamattardyń qorshaǵan orta men bolashaq urpaq aldyndaǵy jaýapkershiligin qalyptastyrady. «Taza Qazaqstan» – tek qorshaǵan ortaǵa qamqorlyq qana emes: oı men sózdiń tazalyǵy, is-árekettegi jaýapkershilik, zańǵa jáne qoǵamdyq qundylyqtarǵa degen qurmet, kúndelikti ómirde mádenıetti saqtaý degen sóz», dedi Jeńis Qasymbek.
Sonymen birge, Jeńis Qasymbek ár adamdy qundylyq retinde baǵalaıtyn «Halyq únine qulaq asatyn memleket» qaǵıdasyna da erekshe toqtaldy.
Senator bir palataly Parlamentke kóshý týraly: Zań shyǵarýshy organnyń ókilettikteri qaıta qaraldy
«Jergilikti memlekettik organdar jumysynyń jemisti bolýy – halyqpen júıeli baılanysty talap etedi. Tájirıbe kórsetkendeı turǵyndarmen turaqty jáne konstrýktıvti dıalog ornatý – aımaqtardy keshendi damytýdaǵy negizgi faktordyń biri. Osyǵan oraı atalǵan usynystardyń bekitilýin qoldaımyn», dedi Jeńis Qasymbek.
