Búginde Almaty qalasy Ortalyqtandyrylǵan kitaphana júıesine 30 qalalyq kitaphana kiredi. Kitaphanalardaǵy jalpy kitap qory 1 372 423 dana. Qalalyq kitaphanalar zamanaýı talaptarǵa saı jańaryp, turǵyndar úshin qoljetimdi mádenı ári zııatkerlik keńistikke aınalyp keledi. 2025 jyly kitaphanalarǵa kelýshiler sany shamamen 3,1 mıllıon bolsa, al turaqty oqyrmandar sany 300 myńnan asqan.
Qazir Jambyl atyndaǵy jasóspirimder kitaphanasy, «Alatau Creative Hub» jáne Muhtar Áýezov atyndaǵy kitaphana táýlik boıy qyzmet kórsetedi. Jumys rejimi ózgergennen keıin bul úsh fılıalǵa kelýshiler sany 70 paıyzǵa artqan. Osy tájirıbeni eskere otyryp, aqpan aıynda Jazýshylar kitaphanasy men Rozybakıev kóshesi, 247 mekenjaıynda ornalasqan kitaphana 24/7 rejiminde jumys isteýge kóshedi.
Qatar qalada kitaphana qyzmetiniń qoljetimdiligin arttyrý maqsatynda saýda ortalyqtarynda, metro beketterinde, mektepterde, kovorkıngter men kommýnaldyq ortalyqtarda 32 derbes ózine-ózi qyzmet kórsetý kitaphanasy ornatylǵan. Bul núktelerdi 300-ge jýyq turaqty oqyrman paıdalanyp, aı saıyn 500-den astam kitap beriledi.
Bıyl jyl sońyna deıin az qamtylǵan aýdandarda taǵy 3 jańa kitaphana ashý josparlanyp otyr. 2025 jyly skanerleý tehnıkasynyń kómegimen 70 paıyz kitap qory sandyq formatqa kóshirilgen. Ortalyqtandyrylǵan kitaphana júıesinde sırek kitaptardy qalpyna keltirý zerthanasy jumys isteıdi. Búginge deıin 335 kitap restavrasııadan ótse, onyń 65-i sırek basylymdar qataryna jatady.
«Inklıýzıvti orta qalyptastyrý maqsatynda Ortalyqtandyrylǵan kitaphana júıesiniń 8 fılıalynda kórý qabileti tómen azamattarǵa arnalǵan aýdıo dybys jáne Braıl dıspleıi arqyly aqparat alýǵa múmkindik beretin arnaıy jumys oryndary jabdyqtalǵan. Sondaı-aq Iаndeks Qazaqstan kompanııasymen birlesip, múmkindigi shekteýli jandarǵa tegin kitap jetkizý qyzmeti iske qosyldy. Kitaphanalar zamanaýı formatta damyp, turǵyndardyń bilim men aqparatqa táýlik boıy qol jetkizýine qolaıly jaǵdaı jasalǵan», deıdi Mádenıet basqarmasynyń basshysy Danııar Álıev.
ALMATY
