Talqylaý barysynda IT-qoǵamdastyq partııalastardyń el aýmaǵyndaǵy ár aýdanda óz IT-habyn qurý ıdeıasyna qoldaý bildirdi. Sondaı-aq kezdesýge qatysýshylar Prezıdent óz Joldaýynda jáne Ulttyq quryltaıdyń V otyrysynda barlyq salada ınnovasııalyq sıfrlyq sheshimder men jasandy ıntellektini engizý boıynsha aýqymdy mindetter qoıǵanyn atap ótti.
О́z kezeginde Májilis spıkeri, «Amanat» partııasynyń tóraǵasy Erlan Qoshanov partııa Prezıdent saıasatyn júzege asyrý isine belsendi atsalysyp kele jatqanyn atap ótti. Búginde elimiz sıfrlandyrý baǵytynda joǵary kórsetkishterge qol jetkizdi. Iаǵnı BUU ındeksine sáıkes, Qazaqstan elektrondyq úkimetti damytý deńgeıi boıynsha 24-orynda tur.
«Sıfrlandyrý men jasandy ıntellekt – tek salalyq másele ǵana emes, tutas eldiń damýyna yqpal etetin aýqymdy, serpindi baǵyt. Memleket basshysynyń ózi bul saladaǵy irgeli isterge tikeleı bastamashy bolyp, erekshe baqylaýynda ustap otyr. Jańa sıfrlyq tehnologııalar men jasandy ıntellekt halqymyzǵa, elimizdiń bolashaǵyna jumys isteýi kerek. Ár azamat, ár otbasy, kúlli qoǵam onyń paıdasyn sezinýi qajet. «Amanat» partııasy Prezıdentimizdiń qoǵamdyq-saıası tiregi retinde osy jumystyń aldyńǵy shebinde júrýge tıis», dedi ol.
Májilis spıkeri «Amanat» partııasy jańa sıfrlyq mádenıetti qalyptastyrýǵa baǵyttalǵan birqatar bastamany júıeli júzege asyryp jatqanyn atap ótti. Atap aıtqanda, «Sıfrlyq qoǵam» jobasy elimizdiń barlyq óńirin qamtyp, sıfrlyq saýattylyqty arttyrýǵa, sondaı-aq azamattardy sıfrlyq tehnologııalardy kúndelikti ómirde qaýipsiz ári sanaly túrde qoldanýǵa úıretý baǵytynda qolǵa alynyp otyr. Joba aıasynda turǵyndardyń áleýmettik turǵyda osal tobyna – zeınetkerlerge, kópbalaly analarǵa, jumyssyz azamattarǵa, erekshe qajettiligi bar adamdarǵa erekshe nazar aýdarylady.
О́tinishterdi óńdeýdiń biryńǵaı sıfrlyq júıesin engizý jáne keńes berý maqsatynda chat-bottardy paıdalaný arqyly «Qaryzsyz qoǵam» jobasy tyń serpin aldy. Tek byltyrdyń ózinde bul joba aıasynda 800 myńnan astam adam oqýdan ótip, zańgerlik qoldaý kórsetildi.
Sonymen qatar «Amanat» partııasy fraksııasynyń depýtattary Sıfrlyq kodeks pen «Jasandy ıntellekt týraly» zań jobasyn ázirleýge bastamashy boldy. Bul qujattar elimizde jasandy ıntellektini, platformalyq ekonomıkany jáne aýqymdy derektermen jumys isteýdi damytý úshin zamanaýı quqyqtyq negiz qalyptastyrýǵa múmkindik berdi.
Talqylaý barysynda qatysýshylar «Amanat» partııasy sıfrlyq tehnologııalar men jasandy ıntellektini engizý isinde memleket, qoǵam, sarapshylar men bıznestiń kúsh-jigerin biriktirýge tıis ekenin atap ótti. Osy maqsatta partııa janynan sıfrlyq komıssar pozısııasyn qurý týraly usynys aıtyldy. Bul laýazymǵa Májilis depýtaty Ekaterına Smyshlıaeva usynyldy.
Mundaı qoǵamdyq laýazym sıfrlyq ortada azamattardyń quqyǵyn qorǵaý tetigine aınalyp, jańa sıfrlyq jaǵdaıda árdaıym adam jaǵynda bolady. Sıfrlyq komıssar elimizdiń barlyq óńirinde IT salasyndaǵy daryndy jastardy qoldaý jumysyn úılestirip, shalǵaı aýyldardy ınternetpen qamtý barysyna baqylaýdy kúsheıtedi.
О́z kezeginde, Premer-mınıstrdiń orynbasary – Jasandy ıntellekt jáne sıfrlyq damý mınıstri Jaslan Mádıev memlekettik jáne qarjy sektorlaryndaǵy sıfrlyq transformasııanyń joǵary qarqynyn atap ótti. Ol turǵyndardyń sıfrlyq saýatyn arttyrý maqsatynda Jasandy ıntellekt mınıstrligi men «Astana Hub» el aýmaǵynda oqytý kýrsyn ótkizý isinde partııaǵa qoldaý kórsetýge ázir ekenin málimdedi.
Otyrys barysynda birqatar mazmundy usynys aıtyldy. Máselen, halyqaralyq IT-sarapshy Andreı Bıklemıshev sıfrlandyrý, eń aldymen, derekter sapasy men kadrlyq áleýetke tikeleı táýeldi ekenin atap ótip, óńirlerde áli de derekterdi qolmen engizý tájirıbesi men maman tapshylyǵy saqtalyp otyrǵanyna nazar aýdardy.
Qazaqstan IT-qaýymdastyǵynyń tóraǵasy Aıymgúl Ábilova ınvestısııalyq ahýaldy jaqsartý úshin memleket-jekemenshik áriptestik tetikterin keńeıtý jáne saladaǵy ekonomıkalyq daýlardy qylmystyq sıpattan aryltý qajet ekenin aıtty.
Qostanaı oblysy aqparattandyrý basqarmasynyń basshysy Azamat Kashıevtiń pikirinshe, qalalardaǵy iri ózgerister aldyn ala sıfrlyq ortada modeldenip, óńirdiń biryńǵaı sıfrlyq arhıtektýrasyna engizilýi qajet. Solaı bola tura, «aqyldy qalalar» men «aqyldy óńirler» tujyrymdamalary ár aýmaqtyń ereksheligin eskerip, beıimdeýge bolatyn úlgilik sıfrlyq sheshimder kitaphanasyna súıenýge tıis.
Kezdesý qorytyndysy boıynsha elimizdegi sıfrlandyrý men jasandy ıntellektini damytýǵa qosqan úlesi úshin partııa múshelerine, seriktester men sarapshylarǵa Alǵyshattar tabystaldy.
Is-sharaǵa Májilis depýtattary, salalyq vedomstvolardyń ókilderi, sarapshylar jáne sıfrlyq jobalardyń jetekshileri qatysty. Onlaın formatta óńirler men partııa fılıaldarynyń ókilderi talqylaýǵa qosyldy.
