Foto: Ashyq derekkóz
Tegin oljaǵa kózderi qyzyqqan úsh adam «Kókshetaý» ulttyq memlekettik tabıǵı parkiniń aýmaǵynda, naqtyraq aıtsaq, Zerendi fılıalynda úsh sibir eligin atyp alǵan. Taıaýda tabıǵattyń ıen baılyǵyn tegin olja kórgen brakonerlerge jaza kesildi. Áýeli zańsyz aýlaǵandar ózderiniń kinásizdigin aıtyp aqtalǵanymen, barlyq derek pen dáıek bultartpady. Zerendi aýdanynyń prokýrorlary brakonerlerdiń qylmysyn dáleldedi.
Nátıjesinde zańsyz ańshylyqty uıymdastyrýshy 6 jylǵa, eki qatysýshy 2 jyl 8 aıǵa túrmege toǵytyldy. Olardyń ańshylyqqa paıdalanǵan kóligi memlekettik esebine alyndy.
Qazaqstanda brakonerlerden myńnan astam kıik múıizi tárkilendi
Oblystyq prokýratýranyń málimetinshe, Zerendi aýdanynda osyndaı keleńsiz oqıǵa ekinshi ret qaıtalanyp otyr eken. О́tken jyly 11 qylmystyq is qaralypty. Zańsyz ań jáne balyq aýlaǵan 400 adam jaýapqa tartylǵan. Tabıǵatqa keltirilgen zııan shamamen 8,5 mıllıon teńge.
Aqmola oblysy
