Saltanat Aıtbekova Shoqan Ýálıhanov atyndaǵy Kókshetaý ýnıversıtetiniń 4 kýrs stýdenti. Ol bir jyl buryn «Energııa óndiretin sporttyq velotrenajer» taqyrybynda ǵylymı eńbegin bastaǵan bolatyn. Búgingi kúni jumysyn tolyq júzege asyrdy.
«Telefonǵa bir mınýttyń ishinde 1 paıyz qýat bere alady. Bul qurylǵy Býrabaı baýraıynda, oblys ortalyǵynyń qoǵamdyq oryndarynda ornalastyrylady. Qazirgi kezdiń ózinde suranysqa ıe qurylǵyǵa elektr energııasynyń qajettiligi joq. Adamnyń yntasy men qýaty kerek», deıdi Saltanat Aıtbekova.
Astanalyq stýdentter ókpe obyryn erte anyqtaıtyn júıe oılap tapty
Halyqaralyq ǵylymı jobalar baıqaýynda Túrkııa men Reseıden kelgen ǵalymdar Saltanattyń jobasyna joǵary baǵa berdi. Bul qoldaý jas zertteýshini odan ári qanattandyra tústi. Qazir ýnıversıtet tarapynan qarjylaı qoldaýǵa ıe bolǵan ol áleýmettik-tehnıkalyq konkýrsqa daıyndyq ústinde.
«Saltanat bul jobany óz qolymen jasady. Osyǵan uqsas velotrenajer keıbir basqa da damyǵan memleketterde bar. Biraq olardyń baǵasy qymbat. 1,5 mln-nan 3 mln aralyǵynda. Al, Saltanat 500 myń teńge qarajatqa jasady. Men jetekshisi retinde qandaı ǵylymı qubylystar arqyly jumys isteý kerek ekendigi týraly baǵyt-baǵdar berdim», deıdi professor Nurgúl Naızabekqyzy.
Qazirgi tańda kóptegen adamnyń dene belsendiligi tómen. Joba avtorlary qozǵalysty tıimdi retteý arqyly ekologııalyq taza energııa kózin óndirýge bolatynyn dáleldep otyr.
Kókshetaý
