Foto: Qorǵanys mınıstrligi
Qarýly kúshterdiń áskerı topograftary avtomattandyrylǵan júıeler men úshólshemdi modeldeý tehnologııalaryn belsendi túrde engizip, sıfrly urys alańyn jasaqtaıdy. Olar áskerdi jer bederi týraly naqty ári senimdi aqparatpen qamtamasyz etedi. Oqý-jattyǵýlar men kúndelikti qyzmet barysynda qoldanylatyn topografııalyq, teńiz jáne arnaıy kartalardy, sondaı-aq qala josparlaryn daıyndaý da áskerı topograftardyń mindetine enedi.
Naqty ýaqyt rejımindegi avtomattandyrý júıelerin engizý asa mańyzdy aqparatty jetkizý merzimin edáýir qysqartýǵa múmkindik berip otyr. Jer bederi týraly sıfrly derekter Qarýly kúshterdiń barlyq túri men ásker tekteri basqarý júıelerimen jedel biriktirilip, nysanalardy anyqtaýǵa, mindetter qoıýǵa jáne ásker men tehnıkanyń jaı-kúıin baqylaýǵa jaǵdaı jasaıdy.
«Ashyq esik» kúni: Ata-analar áskerdegi uldarynyń jaǵdaıymen tanysa alady
Damýdyń mańyzdy kezeńi retinde vırtýaldy shyndyq tehnologııalaryn qoldaný jáne obektilerdiń úshólshemdi modelderin jasaý. Bul sheshimder basqarý organdaryna jaǵdaıdy qashyqtan jan-jaqty taldaýǵa múmkindik berip, ásirese qalalyq qurylys jaǵdaıynda is-qımyldardy dál josparlaýǵa úles qosady.
«2025 jyldan bastap topografııalyq qyzmet mamandary naqty koordınattary bar turaqty geodezııalyq pýnktter jıyntyǵynan turatyn arnaıy geodezııalyq jelilerdi qalpyna keltirý jáne damytý jumystaryn bastady. Mundaı keńistiktik negiz joǵary dáldikti qarýdy nysanaǵa alý jáne bólimshelerdiń is-qımylyn tıimdi úılestirý úshin qajet», delingen Qorǵanys mınıstrligi taratqan habarlamada.
66 kadet qyzylsha juqtyrdy: Kókshetaýdaǵy áskerı kolledjde karantın engizildi
Aıta keteıiý, áskerı topograftardyń kásibıligi zamanaýı sıfrly tehnologııalarmen ushtasyp, urys alańynyń senimdi negizin qalyptastyryp, áskerdiń is-qımylyndaǵy dáldik, úılesimdilik pen qaýipsizdikti arttyrýǵa yqpal etedi.
