ASTANA. 25 naýryz. Moldova memleketiniń quramyndaǵy Gagaýzııa avtonomııaly qurylymy bashkanyn saılaýdyń resmı qorytyndysy shyǵaryldy. Ol ózin ózi usynǵan Irına Vlahtyń 50 paıyzdan joǵary daýys alyp, ákimshilik-terrıtorııalyq aımaqtyń basshysy bolǵanyn málim etti. Bul týraly RIA «Novostı» habarlady. Jergilikti ortalyq saılaý komıssııasynyń basshysy Valentın Kara jańa basshynyń sózsiz jeńiske jetkenin habarlady. «Hattamalardy 100 paıyzdyq óńdeýden ótkizgennen keıin Irına Vlah 53,21% (35 myń 343 adam) daýys jınady. Onyń básekelesi Nıkolaı Dýdoglo bar bolǵany 18,20% (12 myń 86 adam) daýys aldy. Úshinshi oryndaǵye Valerıı Iаnıoglo 7,65% (5 myń 80 adam) daýysqa ıe boldy», - dedi V.Kara. Buǵan deıin bashkan bolyp kelgen Mıhaıl Formýzal jeńimpazǵa quttyqtaý joldady. Gagaýzııanyń ortalyq saılaý komıssııasy munyń aldynda saılaýǵa qatysqan saılaýshylar nátıjelerin jarııalaǵan edi. Ol 58,10 %-dy quraıdy. Saılaý jeksenbi kúni ótken edi. Avtonomııanyń bashkany laýazymyna munda 10 úmitker talasty. Atap ótý kerek, Moldova bıligi Gagaýzııadaǵy saılaýdyń qorytyndysyna alańdap otyr. Ondaǵylar jańa basshylyqtyń Moldova arqyly batysqa ıek artýdyń ornyna Reseımen qarym-qatynasty jaqsartýǵa kúsh salmaqshy bolyp otyrǵanyn onshalyqty qoldaı qoımaıdy. Murat Aıtqoja.
