Foto: instagram.com/mkdaqtobe
Dóńgelek ústelge Jetisý oblysy boıynsha Memlekettik kirister departamenti basshysynyń orynbasary Baqtııar Beısebaev, Jasandy ıntellekt jáne sıfrlyq damý mınıstrligi Aeroǵarysh komıtetiniń «Ǵaryshtyq tehnıka jáne tehnologııalar ınstıtýty» JShS Jedel qyzmet departamentiniń dırektory Ǵaryshbek Eshanov, «Nur joly» keden beketiniń basshysy Murat Erdenbekov, «Ǵaryshtyq tehnıka jáne tehnologııalar ınstıtýty» JShS Avtomobıl tasymaldary basqarmasynyń basshysy Asqar Bekbergenov pen syrtqy ekonomıkalyq qyzmet salasynyń ókilderi, tasymaldaýshylar, keden ókilderi jáne beıindi mamandar qatysty.
Premer-mınıstr: Áýe júk tasymaly salasyn sıfrlandyrýdy jedeldetý qajet
Jıynǵa qatysýshylar EAEO aýmaǵynda navıgasııalyq plombalar júıesin kezeń-kezeńimen engizý isinde atqarylatyn jumys júıesin egjeı-tegjeıli talqylady. Talqy aıasynda mindetti qadaǵalaýǵa jatatyn taýarlar men tasymaldardyń tizbesi, bıznes, logıstıkalyq jáne kólik kompanııalary úshin boljamdy ózgerister túsindirildi.
«Navıgasııalyq plombalardy qoldaný taýarlar qozǵalysynyń ashyqtyǵy men baqylaýyn arttyryp, júkterdiń tutastyǵyn qamtamasyz etýge jáne taýarlardy jetkizýdi, aýystyrýdy, sondaı-aq zańsyz tasymal men keden zańnamasyn buzý táýekelderin azaıtýǵa baǵyttalǵan», dedi Baqtııar Beısebaev.
Búginde elimizde navıgasııalyq plombalardy engizý jobasy sońyna taıaǵan. Bul mindetti atqarýshy ulttyq operator retinde «Ǵaryshtyq tehnıka jáne tehnologııalar ınstıtýty» JShS bekitilgen. Is-shara aıasynda Ǵaryshbek Eshanov navıgasııalyq plombalardy qoldana otyryp, tasymaldy monıtorıngileýge jáne súıemeldeýge arnalǵan «Transit» aqparattyq júıesin tanystyrdy. Júıeniń negizgi fýnksııalyq múmkindikteri, paıdalanýshylardy qosý tártibi men shtattyq, shtattan tys jaǵdaılarda jumys isteý algorıtmderi kórsetildi.
Qazaqstan 42 elmen avtokólik júk tasymalyn júzege asyrady
«Navıgasııalyq plombalardy qoldaný arqyly júk tasymalyn úzdiksiz onlaın-monıtorıngileýge bolady. Sondaı-aq ýákiletti organdardy tasymaldaý prosesinde týyndaǵan shtattan tys jaǵdaılar týraly jedel habardar etip, óńdeýge arnalǵan «Transit» tasymaldardy qadaǵalaýdyń aqparattyq júıesi ázirlendi. «Transit» AJ EEQ múshe memleketterdiń aýmaǵyndaǵy tasymaldaý salasyndaǵy zamanaýı sıfrlyq jáne tehnologııalyq sheshimderdi qoldanýdy keńeıtýge, tasymaldanatyn taýarlarǵa qatysty kedendik jáne basqa da memlekettik baqylaýdyń dástúrli sharalarynyń kólemin qysqartýǵa múmkindik beredi», dedi ol.
Buǵan deıin júk tasymaldaý qyzmetinde mehanıkalyq plombalar paıdalanylǵan. Júıeniń sıfrlyq balamasy «Nur Joly» keden beketinde pılottyq rejımde synaqtan ótip, tıimdiligin dáleldegen.
«Pılottyq joba aıasynda 544 kólikke 1075 navıgasııalyq plomba ilindi. Joba barysynda Memlekettik kirister departamentiniń Ahýaldyq ortalyǵy, «Keden» aqparattyq júıesi jáne Ulttyq operatordyń «Transit» júıesi arasyndaǵy ózara is-qımyl algorıtmi tolyqtaı pysyqtaldy. Hronometrajdyń nátıjeleri boıynsha barlyq rásim az ýaqytta oryndalatyny men kedendik baqylaýdan ótýdiń jyldamdyǵyna áser etpeıtini anyqtaldy», dedi «Nur joly» keden beketiniń basshysy Murat Erdenbekov.
Sondaı-aq jınalǵandar avtomobıl jáne temir jol tasymaldary kezinde navıgasııalyq plombalardy paıdalaný qyzmetteriniń bekitilgen tarıfteri týraly aqpar aldy.
