Foto: Aqorda
Qasym-Jomart Toqaev aldymen jınalǵandardy Volonterler forýmynyń ashylýymen quttyqtady.
«Bul – shyn máninde erekshe basqosý. Bárińiz de búgingi forýmǵa elimizdiń ár aımaǵynan kelip jatsyzdar. Men Sizderdi qoǵam ıgiligi úshin qyzmet etip júrgen Qazaqstannyń naǵyz otanshyl, jasampaz jáne qamqor jastary dep sanaımyn. Bıyl búkil álem Halyqaralyq eriktiler jylyn atap ótýde. О́zderińiz bilesizder, bul bastamany men Birikken Ulttar Uıymynyń 75-shi sessııasynda kóterdim. Elimizdiń usynysy jahandyq aýqymda qoldaý tapty. Biz órkenıetti el retinde kúlli adamzatqa ortaq qundylyqtardy dáripteımiz, ony keleshek urpaqqa amanat etemiz.
Erikti bolý – ıgi ister jasaý, jaqsylyq istep, basqaǵa úlgi kórsetý, Otanyńa adal qyzmet etý, týǵan jerińe janashyr bolý degen sóz.
Nıeti túzý, jany taza adamdar osy joldy tańdaıdy, eriktiler qataryna qosylyp, qajyrly eńbek etedi.
Eriktilerdi ozyq oıly qoǵamnyń aınasy dep aıtsaq, artyq bolmaıdy», dedi Memleket basshysy.
Eske salaıyq, búgin Prezıdent Ispanııa Koroli VI Felıpeni týǵan kúnimen quttyqtap, jedelhat joldady.
