Prezıdent komıssııa jumysy elimizdiń qoǵamdyq-saıası ómirine tyń serpin beretinin aıtty.
«Halyqtan kelip túsken usynystardy júıelep, jınaqtaý úshin Konstıtýsııalyq komıssııa quryldy. Onyń quramyna barlyq aımaqtyń ókilderi men túrli sanattaǵy azamattar, halyq qalaýlylary, ortalyq atqarýshy organdardyń basshylary, quqyqtanýshy ǵalymdar, til mamandary jáne belsendi jastar kirdi. Qoǵam ókilderin qamtý aýqymy, kásibılik men azamattyq jaýapkershilik turǵysynan alǵanda, mundaı komıssııa elimizde buryn-sońdy bolmaǵan dep senimmen aıtýǵa bolady.
Komıssııa músheleri konstıtýsııalyq reformaǵa qatysty ár máseleni egjeı-tegjeıli qarap, jan-jaqty talqylap, aýqymdy jumys atqaryp jatyr», dedi Memleket basshysy.
Esterińizge sala keteıik, osyǵan deıin Komıssııanyń 5 otyrysy ótti. Onyń bári áleýmettik jelide tikeleı efırden kórsetilip, aqparat quraldary arqyly keńinen taratyldy.
«Men talqylaý barysyn muqııat qadaǵalap otyrmyn. Osy oraıda, Ata Zańymyzǵa qatysty kóptegen progressıvti, ınnovasııalyq usynys berildi dep senimmen aıta alamyn.
Túptep kelgende munyń bári elimizdiń Ata Zańyna negiz bolady. Bul álemde qalyptasqan qazirgi kúrdeli kezeńde birtutas Qazaqstan halqyna baǵyt silteıtin mańyzdy qujatqa aınalady dep senemin», dedi Prezıdent.
Memleket basshysy eger bolashaqta Konstıtýsııaǵa qandaı da bir ózgerister, tipti, shaǵyn ózgerister engizý kerek bolyp jatsa, ondaı qadamdy tek referendým arqyly ǵana jasaýǵa bolady degen oıyn bildirdi.
Prezıdent syn saǵatta belsendi jumys isteıtin eriktilerdiń jumysyn joǵary baǵalady
«Konstıtýsııa, bul – kez kelgen eldiń eń basty jol kórsetetin qujaty, temirqazyǵy. Konstıtýsııany bárimiz bilýimiz kerek, baǵalaýymyz qajet.
Sondyqtan eger bolashaqta Konstıtýsııaǵa qandaı da bir ózgerister, tipti, shaǵyn ózgerister engizý kerek bolyp jatsa, ondaı qadamdy tek referendým arqyly ǵana jasaýǵa bolady degen oıdamyn. Bul da halqymyzdyń azamattyq quqyǵyn kúsheıtýdiń mańyzdy tásili dep senemin.
Taǵy bir aıta ketetin mańyzdy jaıt: Komıssııa Konstıtýsııaǵa qatysty usynystyń bárin muqııat saralap shyqty. Muqııat oılastyrylǵan túzetýler Konstıtýsııanyń barlyq negizgi bólimderi men baptaryn, preambýlasyn túgel qamtıtyn bolady», dedi Memleket basshysy.
Prezıdent volonterdiń sıfrly pasportyn jasaý týraly usynysqa qoldaý bildirdi
