Kelissózdiń negizgi maqsaty – О́skemen men Úrimshi qalalary arasynda tikeleı áýe reısin ashý múmkindigin qarastyrý.
«Atalǵan bastama óńirdiń kólik-logıstıkalyq qoljetimdiligin arttyrýǵa baǵyttalǵan mańyzdy qadam bolyp sanalady. Tikeleı áýe qatynasynyń iske qosylýy Shyǵys Qazaqstannyń týrıstik áleýetin arttyryp, transshekaralyq týrızmdi damytýǵa serpin beredi. Sonymen qatar, iskerlik baılanystardy keńeıtip, ınvestısııalyq jáne saýda-ekonomıkalyq yntymaqtastyqty nyǵaıtýǵa jol ashady», delingen «Ertis» ÁKK» AQ habarlamasynda.
Sala mamandarynyń aıtýynsha, jańa áýe baǵyty eksportqa baǵyttalǵan óńir kásiporyndary úshin logıstıkalyq shyǵyndardy azaıtyp, jetkizý merzimin ońtaılandyrýǵa jáne jańa naryqtarǵa shyǵýǵa múmkindik beredi.
