foto: gov.kz
Is-sharany Ádilet mınıstrliginiń Zııatkerlik menshik quqyǵy komıteti, Qazaqstan Respýblıkasy Mádenıet jáne aqparat mınıstrliginiń Arhıv, qujattama jáne kitap isi komıteti jáne Qazaqstan Respýblıkasynyń Ulttyq akademııalyq kitaphanasy birlesip uıymdastyrdy. Jıynǵa memlekettik organdardyń ókilderi, zııatkerlik menshik salasynyń mamandary, kitaphanashylar, elimizdegi kópshilik kitaphana ókilderi (onlaın formatta) qatysty.
Sharanyń basty maqsaty – elektrondyq kitaphanalardy qalyptastyrý jáne damytý barysynda avtorlyq quqyq talaptarynyń saqtalýyn qamtamasyz etý, sondaı-aq qoldanystaǵy zańnamadaǵy ózgeristerdi túsindirý boldy.
Qazaqstanda avtorlyq quqyqty qorǵaýdyń biryńǵaı platformasy qashan iske qosylady?
Sharanyń moderatory Ádilet mınıstrligi Zııatkerlik menshik quqyǵy komıteti tóraǵasynyń orynbasary Káken Gúlnara Qarataıqyzy avtorlyq quqyq máseleleri boıynsha zańnamaǵa engizilgen ózgeristerge sholý jasap, elektrondyq kontentti zańdy paıdalaný tetikterin túsindirdi.
Ulttyq akademııalyq kitaphananyń basshysy Kúmis Seıitova elektrondy kitaphanalardy qalyptastyrý quqyqtyq mádenıetti talap etetin kúrdeli ári jaýapty úderis ekenin basa aıtyp, kitaphanadaǵy elektrondy qordyń jumysyna toqtaldy. Al, Ádilet mınıstrligi Zııatkerlik menshik quqyǵy komıtetiniń bas sarapshysy Botagóz Satjanova óz baıandamasynda Marrakesh shartynyń mańyzyn jáne zaǵıptar men kórý qabileti buzylǵan, sondaı-aq baspa aqparatyn qabyldaý múmkindigi shekteýli azamattardyń jarııa etilgen týyndylarǵa qoljetimdiligin jeńildetý tetikterin atap ótti.
