Qoǵamnyń suranystaryna keń aýqymda taldaý júrgizilip, elimizdiń Konstıtýsııalyq qurylymyn odan ári damytý máselelerine túrli maqsatty toptardy tartý jumystary júzege asyryldy.
Nátıjesinde memleket óte utymdy jol taýyp, jańa Konstıtýsııany qabyldaý máselesin tek referendým arqyly sheshý qajettigin birden aıqyndady.
Myńjyldyq tarıhtyń sabaqtastyǵy – jańa Konstıtýsııa jobasy aıqyndap bergen baǵdar
Memleket qoǵamnyń suranysyn muqııat eskere otyryp, óz damý jolyn jalǵastyrý úshin tyń sheshim qabyldady.
Oǵan júıeli túrde qurylǵan qoǵamdyq pikirdi eskerý jáne keri baılanysty jınaý boıynsha jumystar da yqpal etti. Iаǵnı, jańa Konstıtýsııa jobasynyń paıda bolýyna kóp deńgeıli saraptama men taldaý júıesi áser etti.
Jańa Konstıtýsııanyń jobasy: Adamı kapıtal men adam quqyqtaryna basymdyq
Birinshiden, usynystardy jınaý ashyq kommýnıkasııa arnalary arqyly júrgizildi. О́tken jyldyń qyrkúıek aıynan bastap azamattardan Konstıtýsııalyq reformaǵa qatysty 2 myńnan astam bastamashyl usynys kelip tústi.
Ekinshiden, Konstıtýsııalyq komıssııa 130 adamnan quryldy. Onyń quramyna Ulttyq quryltaı músheleri, belgili quqyqtanýshylar, ortalyq memlekettik organdardyń jaýapty qyzmetkerleri, buqaralyq aqparat quraldary basshylary, máslıhat tóraǵalary, óńirlik qoǵamdyq keńesterdiń ókilderi, sarapshylar men ǵylymı qaýymdastyqtar kirdi. Osylaısha, Komıssııa quramyna Qazaqstannyń barlyq áleýmettik toptary men óńirlerdiń ókilderi engizildi.
Komıssııanyń negizgi mindeti – barlyq usynystardy muqııat qaraý, jınaqtaý jáne naqty ózgerister jobasyn daıyndaý bolyp belgilendi.
Komıssııa músheleri memlekettik basqarý júıesiniń jańa logıkasyn qalyptastyrý, Qazaqstannyń álemdegi ornyn kórsetetin ózekti qoǵamdyq qundylyqtardy bekitý jáne eldiń uzaq merzimdi damý qaǵıdattaryn qalyptastyrý boıynsha tyńǵylyqty jumys atqardy.
Barlyq komıssııa otyrystary tolyq jarııa túrde jáne tikeleı efırde buqaralyq aqparat quraldary men áleýmettik jeliler arqyly kórsetildi.
О́z pikirleri men usynystaryn belgili zańgerler, quqyq qorǵaýshylar, qoǵamdyq uıym ókilderi, depýtattar, saıasattanýshylar jáne basqa sarapshylar bildirdi.
Osylaısha, jańa Konstıtýsııa jobasynyń jarııalanýy – qoǵamnyń suranysyna negizdelgen uzaq ári muqııat saraptamalyq jumystyń nátıjesi.
