Biryńǵaı jınaqtaýshy zeınetaqy qorynyń málimetinshe, jyl saıyn kámeletke tolmaǵan balalarǵa olardyń BJZQ-daǵy shottaryna Ulttyq qordan nysanaly talaptar túrindegi qarjy, sondaı-aq ınvestısııalyq kiris esepteledi. Balalar kámeletke tolǵan kezde jınaqtalǵan talaptar olardyń BJZQ-daǵy nysanaly jınaqtaý shottaryna nysanaly jınaqtar túrinde esepteledi.
2025 jyldyń qorytyndysy boıynsha baǵdarlamaǵa qatysýshy 6 918 656 ár balaǵa 130,71 dollar mólsherinde kezekti soma esepteldi.
Esterińizge sala keteıik, jyl saıyn Ulttyq qordyń ınvestısııalyq kirisiniń 50%-y Qazaqstan azamaty sanalatyn barlyq balalar arasynda teńdeı bólinedi. Balalar týraly derekter aldyńǵy jyldyń 31 jeltoqsanyndaǵy jaǵdaı boıynsha «Jeke tulǵalar» memlekettik derekqorynan alynady.
Sonymen qatar baǵdarlamaǵa qatysatyn kámeletke tolmaǵan balalardyń buǵan deıin qalyptasqan talap somalaryna jyl saıyn qosymsha ınvestısııalyq kiris esepteledi.
Nátıjesinde baǵdarlamaǵa qatysatyn balalardyń barlyq nysanaly jınaqtarynyń jıyntyq mólsheri (jyl saıyn qosymsha esepteletin ınvestısııalyq tabysty qosa alǵanda) kelesi somalardy qurady:
-
Úshinshi jyl qatysatyn balaniki 370 dollar 56 sent;
-
Ekinshi jyl qatysatyn balaniki 263 dollar 93 sent;
- Birinshi jyl qatysqan balaniki 130 dollar 71 sent.
Esterińizge sala keteıik, 18 jasqa deıingi balalarǵa jyl saıyn Ulttyq qordan alynǵan somalar olardyń BJZQ-da ashylǵan shottarynda eskeriletin nysanaly talaptar túrinde esepteledi. Bul rette balalarǵa eseptelgen somalar Ulttyq qor aktıvteri quramynda qalyp, ınvestısııalanady. Investısııalaýdy jalǵastyrýdyń arqasynda jyl saıyn ár balanyń nysanaly talaptarynyń somasy alynǵan ınvestısııalyq kiris esebinen qosymsha ósip otyrady.
Baǵdarlama bastalǵannan beri Ulttyq qordan barlyq balaǵa eseptelgen qarajat mólsheri shamamen 2,5 mlrd dollardy qurady.
2026 jyly 356 613 Qazaqstan azamaty 18 jasqa tolady jáne olar ózderiniń nysanaly jınaqtaryn paıdalaný quqyǵyna ıe bolady.
Esterińizge sala keteıik, balalar kámeletke tolatyn jyly olardyń nysanaly talaptary nysanaly jınaqtarǵa aınalyp, jyl basynda avtomatty túrde BJZQ-daǵy nysanaly jınaqtaý shotyna dollarmen esepteledi.
18 jasqa tolǵan kúnnen bastap olar bul qarajatty turǵyn úı jaǵdaıyn jaqsartýǵa nemese bilim alýǵa óz betinshe paıdalana alady nemese zeınetaqy jınaqtary retinde bolashaqqa saqtap qalýǵa quqyly.
Balalardy esepke alýdyń durystyǵy men tolyqtyǵy
Baǵdarlamaǵa qatysatyn balalardyń tolyq tizimin qalyptastyrý kezinde BJZQ «Jeke tulǵalar» memlekettik derekqorynan aqparattyq júıelerdi ıntegrasııalaý arqyly alynǵan mynadaı málimetterdi eskeredi:
- Týǵannan QR azamaty bolyp esepteletin balalar;QR azamattyǵyn týǵannan keıin qabyldaǵan balalar, azamattyqty qabyldaǵan kúni kórsetilgen;
- QR azamattyǵyn joǵaltqan nemese odan shyqqan balalar;
- qaıtys bolǵan balalar týraly, qaıtys bolǵan kúni ne qaıtys boldy dep jarııalaý týraly sot sheshimi zańdy kúshine engen kúni kórsetilgen;
- «Jeke tulǵalar» memlekettik derekqoryndaǵy balalar týraly basqa da málimetterdiń ózektendirilgeni týraly.
2025 jyldyń qorytyndysy boıynsha baǵdarlamaǵa qatysýshylardyń sanyn aıqyndaý kezinde sonymen qatar buǵan deıin tizimge engizilmegen, onyń ishinde «Jeke tulǵalar» memlekettik derekqoryndaǵy tolyq emes nemese ózektiligin joǵaltqan derekter anyqtalǵan jaǵdaılardy qosa alǵandaǵy balalar da eskerildi. Olarǵa ótkizip alǵan kezeńdegi qarajat ınvestısııalyq kiris esebimen birge tolyq kólemde esepteledi.
Aqparatqa qol jetkizý
18 jasqa tolmaǵan balanyń Baǵdarlamaǵa qatysýy týraly aqparatty ata-analary men zańdy ókilderi balanyń JSN boıynsha kids.enpf.kz. saıty, eGov mobile mobıldi qosymshasy arqyly teksere alady.
Kámeletke tolǵan qatysýshylar enpf.kz saıtyndaǵy jeke kabınetinde, BJZQ mobıldi qosymshasynda jáne elektrondyq úkimettiń eGov mobile mobıldi qosymshasynda óz betinshe teksere alady.
Jınaqtaryn paıdalaný týraly sheshim qabyldaǵannan keıin, jastar AQSh dollarynda banktik shot ashý jáne tólemge onlaın ótinish berý úshin ýákiletti operatorǵa júginýi kerek. О́tinishti ınternet-resýrs nemese ýákiletti operatorlardyń biriniń mobıldi qosymshasy arqyly berýge bolady: «Otbasy banki» AQ (turǵyn úı jaǵdaılaryn jaqsartý jáne bilim berý aqysyn tóleý maqsatynda), «Qazaqstan Halyq banki» AQ, «Bank SentrKredıt» AQ (bilim berý aqysyn tóleý maqsatynda).
«Ulttyq qor – balalarǵa» baǵdarlamasy bolashaq urpaqtyń ómirlik maqsattaryna jetý úshin qarjylyq qoryn qurýǵa yqpal etetin uzaqmerzimdi strategııa.
Nysanaly talaptarǵa qatysýshylar men nysanaly jınaqtardy alýshylar, sondaı-aq nysanaly jınaqtardy turǵyn úı jaǵdaılaryn jaqsartý jáne (nemese) bilim alý aqysyn tóleý maqsatynda paıdalaný jónindegi statıstıkamen enpf.kz saıtynda tanysýǵa bolady.
