Týrısterge qolaıly jaǵdaı jasaý maqsatynda sońǵy jyldary birqatar jumystar atqaryldy. «Altynemelde» jeke ınvestısııa esebinen vızıt-ortalyq salyndy, týrıstik baǵyttardaǵy aqparattyq belgiler jańartyldy. «Besshatyr» saq qorǵandary aýmaǵynda jóndeý júrgizilip, «Jańatoǵaı» men «Tańbalytas» kordondarynda arnaıy alaý jaǵý oryndary jabdyqtaldy.
Al Sarqan aýdanyndaǵy Topolevka aýylynda vızıt-ortalyq ashyldy. «Jońǵar Alataýy» ulttyq parkinde demalys aımaqtary men avtoturaqtar ornatylyp, ondaǵan aqparattyq stendter men taqtaıshalar, kireberis arkalar, sanıtarlyq toraptar jáne qoqys konteınerleri qoıyldy.
Elimizde týrızmge salynǵan ınvestısııa kólemi 1,2 trln teńgeden asty
Jasylkólge baratyn baǵyttaǵy joldyń bir bóligi jóndelip, negizgi jol qurylysy bıyl aıaqtalmaq. Sonymen qatar elimizdegi eń bıik Burqanbulaq sarqyramasyna aparatyn 31 shaqyrym jol qaıta jańǵyrtylyp jatyr.
О́ńirde týrızmdi ilgeriletý maqsatynda jyl saıyn ımıdjdik festıvalder uıymdastyrylady. «Sıvers alma aǵashynyń gúldenýi», «Alakól tolqyny», «Altynemel – qulandar mekeni» sharalary 2026 jylǵa arnalǵan respýblıkalyq mádenı-týrıstik kúntizbege endi. Sonyń nátıjesinde 2025 jylǵy derek boıynsha oblysqa kelgen týrıster sany 11%-ǵa, sheteldik qonaqtar 60%-ǵa artqan.
2026 jyly qaıda baramyz? Týrızm mınıstrligi mádenı-týrıstik is-sharalar kúntizbesin jarııalady
Aıta keteıik, Jetisý aýmaǵynda ulttyq parkterden bólek, Alakól memlekettik tabıǵı qoryǵy da bar.
