Foto: t.me/qr_tjm
Búgin oblystyq Tótenshe jaǵdaılar departamentiniń «101» jedel basqarý pýltine qurylys júrip jatqan kópirde órt shyqqany týraly habarlama túsken. О́rt qurylys nysanynyń joǵary bóliginde tutanyp, jylý oqshaýlaǵysh materıaldar men aǵash konstrýksııalaryn sharpyǵan.
«О́rt oshaǵy jer deńgeıinen shamamen 30 metr bıiktikte ornalasyp, jaǵdaıdy aıtarlyqtaı qıyndatqan. Soǵan qaramastan, oqıǵa ornyna jedel jetken TJM-niń órt sóndirý bólimsheleri qysqa ýaqyt ishinde jalyndy aýyzdyqtap, onyń kópirdiń barlyq qurylymyna taralýyna jol bermedi», delingen habarlamada.
Jedel ári úılesimdi árekettiń nátıjesinde órt tolyq sóndirildi. Aldyn ala málimet boıynsha, oqıǵa saldarynan zardap shekkender joq.
Qazirgi ýaqytta órttiń shyǵý sebepteri anyqtalyp jatyr.
Aıta keteıik, buǵan deıin Astana qalasyndaǵy eki qabatty dámhanadan órt shyqqanyn habarlaǵan edik.
