KО́KEIKESTI ÁRI MAŃYZY ZOR MINDET

Jaqynda Norvegııanyń astanasy Oslo qalasynda EQYU Parlament­tik Assambleıasynyń jyl saıynǵy sessııasy óz jumysyn bastaǵan bo­la­tyn. Kezekti 19-shy sessııa barysynda Qazaqstannyń Uıymǵa tóraǵalyǵyna joǵary baǵa berilgenin buǵan deıin habarlaǵan edik. Búgin aıaqtalatyn alqaly jıyn barysynda Qazaqstan taraby “Quqyqtyń ústemdigi: transulttyq qylmyspen jáne korrýpsııamen kúres” taqyrybynda baıandama jasady.Bul baıandamany EQYU-nyń Is basyndaǵy tóraǵasy, Qazaqstan Respýblıkasynyń Memlekettik hatshysy – Syrtqy ister mınıstri Qanat Saýdabaev jasaýy tıis bo­la­tyn. Biraq Qazaqstanda ótip jatqan birqatar iri halyqaralyq sharalarǵa jáne 16-17 shildede Almatyda ótedi dep josparlanǵan EQYU-ǵa múshe memleketter Syrtqy ister mı­nıstr­leriniń beıresmı kezdesýinde jan-jaqty daıyndyqtarǵa baıla­nysty Q.Saýdabaevtyń Osloǵa atbasyn tireýge  murshasy bolmady. Sondyqtan, ol óziniń sózin EQYU Bas hatshysy M.P. de Brı­sham­bo­nyń oqyp berýine ókilettik etti. Men Parlamenttik Assambleıa búgingi kúnniń asa kókeıkesti jáne mańyzdy máseleleriniń birin tal­qylaýǵa bastama kóterip otyr dep esepteımin, delingen EQYU Is ba­syn­daǵy tóraǵasynyń sózinde. Zań­nyń ústemdigi adam ólshemi sala­synda óte mańyzdy. Sessııa taqy­ry­byna sáıkes jáne kún tártibin­degi máselege oraı myna úsh máse­lege basa nazar aýdarǵym keledi: – Qyrǵyzstan jáne EQYU-nyń aldyn alý áleýetin iske qosý qajettigi; – Korfý úderisi boıynsha pikir­talastar qorytyndysy; – Almatydaǵy alda ótetin mı­nıstrlerdiń beıresmı kezdesýi men EQYU sammıtin ótkizý. Is basyndaǵy tóraǵanyń sózin oqyǵan Bas hatshy zańnyń ústem­di­gin qamtamasyz etý qajettigi ja­qynda Qyrǵyzstanda oryn alǵan qaıǵyly oqıǵalar barysynda anyq baıqalǵanyn atap kórsetti. Bul de­mo­kratııalyq ınstıtýttardyń ál­siz­diginen, ekonomıkalyq damýdyń turaqsyzdyǵy men korrýpsııadan bastaý alyp otyr. Al bul óz keze­ginde transulttyq qylmystyń ósýine alyp kelýi ábden múmkin. Q.Saýdabaev osyndaı turǵyda qaýip bildire kelip, Qyrǵyzstandaǵy ahýal­dy turaqtandyrýǵa baılanys­ty tóraǵalyq etýshi el – Qazaqstan tarapynan atqarylǵan jumystarǵa toqtalyp ótti. Sóıtip, Qyr­ǵyz­stan­da referendým ótkizýge qol jet­kizildi. Endi el beıbit damý jolyna túsedi deýge negiz bar. Ekinshiden, “Korfý prosesi” jalǵasý ústinde. Ol Uıymǵa qaty­sýshy memleketter ózara senimdi nyǵaıtyp, EQYU-nyń tıimdiligin arttyrýǵa kómektesetin mańyzdy tetikterdiń biri bolyp tabylady. Bul, ásirese, Eýroatlantıkalyq jáne Eýrazııalyq qaýipsizdik má­selesinde mańyzdy. Korfý pro­sesine baılanysty júrgizilgen ashyq únqatysý barysynda EQYU úshin asa kókeıkesti on másele tal­qylandy. Bular transulttyq qaýip-qaterler, janjaldar, qaýipsizdik pen qarý-jaraqqa baqylaý ornatý, ekonomıka men ekologııa, gýmanı­tarlyq sala, ólshemaralyq qadam­dar men onyń tıimdiligi, Eýro­at­lantıkalyq jáne Eýrazııalyq qaýipsizdik, t.b. Is basyndaǵy tóraǵanyń jol­daýy boıynsha sóz saptaǵan M.P. de Brıshambo qorytyndysynda Uıym aıasynda sheshimin kútken ótkir máseleler boıynsha  ótýi ústimizdegi jyldyń qazan aıyna josparlanyp otyrǵan EQYU sammıtine úlken úmit artylatynyn atap ótti. “Egemen-aqparat”.