Osydan úsh jyl buryn Besaǵash eldi mekeni mańynan tarıhy myńjyldyqtarmen sabaqtasyp jatqan kóne qazan tabylǵan bolatyn. Endi dál osy aýyldyń irgesinen 13 ǵasyr buryn qoldanysqa engizilgen qola teńgeniń qolǵa túsýi tegin emes.
Biletinder Besaǵash eldi mekenin tarıhpen tamyrlas aýyl degendi alǵa tartyp otyr. Ol da múmkin. Jıyrma ǵasyrdan astam tarıhy bar Taraz mańyndaǵy aýyldardyń deni tamyryn qoparsań, myńjyldyqtardan syr shertip tursa kerek.
Besaǵash eldi mekeni tusynan tarıhı jádigerler jıi tabylady. О́tken jyly mamandar 46 moneta men qysh ydys synyqtaryn qolǵa túsirip, qýanyshymen bólisken edi.
Mamandar sol mańnan tabylǵan barlyq monetanyń katalogin daıyndaǵany málim. Muny bir ǵana qalashyqtaǵy aýyz toltyryp aıtarlyqtaı tabys, olja dep aıtýǵa ábden negiz bar. Ǵylym úshin de aıtarlyqtaı jańalyq.
Munda ózge de súıekten, nefrıtten daıyndalǵan áshekeı buıymdar barshylyq. Bulardyń barlyǵy qazirgi tańda mýzeılik qundy jádigerge aınalyp otyrǵanyna eshkimniń talasy joq shyǵar. Uzyn sany 150 jádiger bar. Bunyń bári ǵylymnyń jeńisi deýge ábden bolady», deıdi tarıhı-mádenı eskertkishterdi qorǵaý jáne qalpyna keltirý dıreksııasynyń dırektory Saýran Qalıev.
Mamandar bul kezeńdi Atlah shaıqasy bolǵan 751 jylmen sabaqtastyryp otyrǵan kórinedi. Aıtýlarynsha, qundy jádigerler qytaı, arab jáne túrkiler arasynda shaıqas ótken mańaıdan tabylǵan sekildi.
Jambyl oblysy
