Sýret: kaz.inform.kz
Bul platforma bolashaqta salanyń barlyq aqparattyq júıelerin biriktirip, derekterdi saqtaýdy ortalyqtandyrý barysyn qamtamasyz etedi. Sonyń negizinde salalyq kórsetkishterdi keshendi ári úzdiksiz monıtorıngteýge múmkindik beretin damyǵan BI-taldaý júıesi qalyptastyrylady. Bul júıe sýbsıdııalaý jáne memlekettik qyzmetter kórsetý úderisteriniń ashyqtyǵyn qamtamasyz etip, negizgi tıimdilik kórsetkishterin (KPI) baqylaýǵa, sondaı-aq ýaqtyly ári negizdelgen basqarýshylyq sheshimder qabyldaý úshin qajetti jedel jáne taldamalyq eseptilikti qalyptastyrýǵa múmkindik beredi.
Platformany qurý barlyq qatysýshy úshin birqatar artyqshylyq ta usynady dep kútilýde. Máselen, memleket óz kezeginde óndiris, sýbsıdııalaý jáne ınvestısııalar boıynsha senimdi taldamalyq bazaǵa ıe bolady; fermerler ákimshilik júktemeni azaıta otyryp, qyzmetter men qarjylyq quraldarǵa qoljetimdilikti jeńildetedi; al qarjy sektory táýekelderdi baǵalaý múmkindikterin keńeıtedi.
Memleket derekterge baqylaýdy saqtaıdy, al barlyq sheshimder Qazaqstannyń zańnamasyna sáıkestendirilip, tehnologııalyq beıtaraptyq pen básekelestik qaǵıdattaryn eskere otyryp qabyldanady.
Platformany qurý jumysy salalyq mamandar men negizgi qatysýshylardyń qajettilikterin eskere, kezeń-kezeńimen júzege asyrylady.
