BASTAMA JALǴASYN TABADY

Kentaýda bıylǵy jyly 15 myń gektarǵa 20 myńǵa jýyq aǵash egiledi. Onyń 5 gektar jerine 2 myńǵa jýyq tal egilip, “Jasyl aımaq” jasalady.Memleket basshysynyń “Jańa onjyldyq – jańa ekonomıkalyq órleý – Qazaqstannyń jańa múm­kindikteri” atty el halqyna Jol­daýynda “О́ńirlerdiń damýy – el­diń damýy” ekendigi atap kór­setilip, el kóleminde óndiris aı­maqtaryn qu­ryp damytý, aýyl sha­rýashy­ly­ǵy­na basa mán berý jáne el kóle­min­de kógaldandyrý, kór­keıtý iste­rin qolǵa alý barshanyń mindeti eken­digi atap kórsetilgen. Osy ba­sym­dyqtar qazirgi kezde Astana, Almaty qalalarynan bas­taý alyp, búgingi kúni Ońtústik Qazaqstan ob­lysynyń ákimi Asqar Myrzah­metov­tiń bastamasymen Shymkent qalasynda jalǵasyn taýyp otyr. Al búgingi kúni bul ıgilikti is-shara shalǵaıda orna­lasqan aýdandar men qalalarda da júıeli túrde júzege asýda. Elba­symyz N.Á.Nazarbaevtyń el halqyna Joldaýyn negizge alǵan Kentaý qalasynyń ákimdigi de qalany kógaldandyrý isin qolǵa aldy. Qala ákimdiginiń bastamasy­men uıym­dastyrylǵan senbilikke qala ákimi Kóktembek Tabyldıev, qala turǵyndary úlken belsendilik­pen qatysyp, qalaǵa kire beris aı­maqqa aǵash kóshetterin otyrǵyzdy. Kezinde qazaqtyń zańǵar jazýshysy M. O. Áýezov “Qarataý táji” dep baǵa bergen kenshilerdiń qalasy Kentaýda bıylǵy jyly 15 myń gektarǵa 20 myńǵa jýyq aǵash egiledi. Onyń 5 gektar jerine 2 myńǵa jýyq tal egilip, “Jasyl aımaq” jasalady. Elbasymyz ár jylǵy Joldaý­larynda el halqynyń áleýmettik jaǵdaıyn jaqsartýmen qatar, elimizdegi shaǵyn qalalar men aýyldardyń, óńirlerdiń damýyna basa mán berip, el azamattarynyń ál-aýqatynyń jaqsarýyn birinshi kezekke qoıyp keledi. Memleket basshysynyń syndarly saıasaty­nyń jergilikti jerde júıeli túrde júzege asýyna, kórsetilgen is-sha­ralardyń der kezinde oryn­dalýyna bar-kúsh jiger jumsalatyn bolady. Qaırat ZAINIShEV. Ońtústik Qazaqstan oblysy, Kentaý qalasy.