Qazaq ulttyq agrarlyq ýnıversıteti bas ǵımaratynyń Májilis zalynda 5 halyqtyq reforma taqyrybynda ǵylymı forým bolyp ótti.
Forýmnyń maqsaty – Elbasy Joldaýynda aıqyndalǵan mindettemelerdi oryndaý barysynda el ekonomıkasyn órkendetýdegi ǵylym, bilim, óndiris ókilderiniń jaýapkershiligin arttyryp, búgingi jahandyq syn-qaterler jaǵdaıyndaǵy Táýelsiz memleketimizdiń turaqtylyǵy men tabystylyǵy týraly máselelerdi saralaý. Osy rette atalmysh ǵalymdar forýmy Elbasy usynǵan 5 halyqtyq reformanyń júzege asyrylý máselelerin qozǵady.
Prezıdenttiń jańa reformalaryn qoldaı otyryp, ǵalymdar jahandyq syn-qaterler jaǵdaıyndaǵy Táýelsiz elimizdiń turaqtylyǵy men tabystylyǵyn arttyrýǵa baılanysty naqty usynys-pikirlerimen bólisip, naqty tujyrymdardy alǵa tartty.
Elbasy usynǵan jańa reformalar – qoǵamda úlken qozǵaýshy kúshke ıe bolyp, álemdik qaýymdastyqty da moıyndatyp otyr. Bul reformalar – qazaqstandyqtardy biriktirip, otandyq ekonomıkany órkendetip, halyqtyń ál-aýqatyn kóterip, bilim, ǵylym, óndiris salasynda qolǵa alynǵan memlekettik baǵdarlamalardy tıimdi iske asyrý jolynda jańa múmkindikterge jol ashatyndyǵyna ǵylymı orta bek senimdi.
– Qazir zaman, qoǵam basqa. Álemde jahandaný úrdisi qarqyn ala bastady. Adamzat aldynda turǵan ózekti problemalardy sheshý – jańa mehanızmderdi qajet etýde. Búgingi kúni álemde qarjylyq-ekonomıkalyq daǵdarystyń jańa tolqyny beleń alýda. Buǵan kúrdeli halyqaralyq jaǵdaılar qosylýda. Osy jaǵdaıda Memleket basshysynyń jańa reformalardy qabyldaýy – el ekonomıkasyn jańa beleske kóteretini sózsiz, – dedi ýnıversıtet rektory, akademık Tilektes Espolov.
Ǵalymdar forýmy joǵary oqý oryndary men ǵylymı-zertteý ınstıtýttaryna arnaıy jumysshy tobyn quryp, Memleket basshysy usynǵan 5 halyqtyq reformany júzege asyrýǵa baǵyttalǵan is-sharalar josparyn daıyndap, Aýyl sharýashylyǵy mınıstrligine tapsyrýdy usyndy. Forým jumysynyń qorytyndysy boıynsha Elbasy aıtqan 5 reformany qoldaýǵa negizdelgen qarar qabyldanyp, onda ǵalymdar naqty maqsat-mindetter men ekonomıkany órkendetýdegi ınnovasııalyq bilim men ǵylym salasynyń aldaǵy ýaqytta atqaratyn jumys baǵyttaryn aıqyndady.
Forým jumysyna Qazaqstan Respýblıkasynyń Aýyl sharýashylyǵy mınıstrliginiń ǵylymı-zertteý ınstıtýttary basshylary men ǵalymdary, atap aıtqanda, – Qazaq eginshilik jáne ósimdik sharýashylyǵy ǵylymı-zertteý ınstıtýtynyń dırektory Serik Kenenbaev, Aýyl sharýashylyǵyn mehanıkalandyrý jáne elektrlendirý ǵylymı-zertteý ınstıtýtynyń dırektory Seıitqazy Keshýov, Qazaq veterınarııa ǵylymı-zertteý ınstıtýtynyń dırektory Ahmetjan Sultanov, Qazaq agroónerkásiptik keshen ekonomıkasy jáne aýyldyq aýmaqtardy damytý ǵylymı-zertteý ınstıtýty dırektorynyń ǵylym jónindegi orynbasary Vladımır Grıgorýk, sondaı-aq Jáńgir han atyndaǵy Batys Qazaqstan agrotehnıkalyq ýnıversıtetiniń rektory Nurlan Serǵalıev, Sáken Seıfýllın atyndaǵy Qazaq agrotehnıkalyq ýnıversıtetiniń rektory Aqylbek Kúrishbaev qatysty.
Qanat ESKENDIR,
«Egemen Qazaqstan».
ALMATY.
Forýmnyń maqsaty – Elbasy Joldaýynda aıqyndalǵan mindettemelerdi oryndaý barysynda el ekonomıkasyn órkendetýdegi ǵylym, bilim, óndiris ókilderiniń jaýapkershiligin arttyryp, búgingi jahandyq syn-qaterler jaǵdaıyndaǵy Táýelsiz memleketimizdiń turaqtylyǵy men tabystylyǵy týraly máselelerdi saralaý. Osy rette atalmysh ǵalymdar forýmy Elbasy usynǵan 5 halyqtyq reformanyń júzege asyrylý máselelerin qozǵady.
Prezıdenttiń jańa reformalaryn qoldaı otyryp, ǵalymdar jahandyq syn-qaterler jaǵdaıyndaǵy Táýelsiz elimizdiń turaqtylyǵy men tabystylyǵyn arttyrýǵa baılanysty naqty usynys-pikirlerimen bólisip, naqty tujyrymdardy alǵa tartty.
Elbasy usynǵan jańa reformalar – qoǵamda úlken qozǵaýshy kúshke ıe bolyp, álemdik qaýymdastyqty da moıyndatyp otyr. Bul reformalar – qazaqstandyqtardy biriktirip, otandyq ekonomıkany órkendetip, halyqtyń ál-aýqatyn kóterip, bilim, ǵylym, óndiris salasynda qolǵa alynǵan memlekettik baǵdarlamalardy tıimdi iske asyrý jolynda jańa múmkindikterge jol ashatyndyǵyna ǵylymı orta bek senimdi.
– Qazir zaman, qoǵam basqa. Álemde jahandaný úrdisi qarqyn ala bastady. Adamzat aldynda turǵan ózekti problemalardy sheshý – jańa mehanızmderdi qajet etýde. Búgingi kúni álemde qarjylyq-ekonomıkalyq daǵdarystyń jańa tolqyny beleń alýda. Buǵan kúrdeli halyqaralyq jaǵdaılar qosylýda. Osy jaǵdaıda Memleket basshysynyń jańa reformalardy qabyldaýy – el ekonomıkasyn jańa beleske kóteretini sózsiz, – dedi ýnıversıtet rektory, akademık Tilektes Espolov.
Ǵalymdar forýmy joǵary oqý oryndary men ǵylymı-zertteý ınstıtýttaryna arnaıy jumysshy tobyn quryp, Memleket basshysy usynǵan 5 halyqtyq reformany júzege asyrýǵa baǵyttalǵan is-sharalar josparyn daıyndap, Aýyl sharýashylyǵy mınıstrligine tapsyrýdy usyndy. Forým jumysynyń qorytyndysy boıynsha Elbasy aıtqan 5 reformany qoldaýǵa negizdelgen qarar qabyldanyp, onda ǵalymdar naqty maqsat-mindetter men ekonomıkany órkendetýdegi ınnovasııalyq bilim men ǵylym salasynyń aldaǵy ýaqytta atqaratyn jumys baǵyttaryn aıqyndady.
Forým jumysyna Qazaqstan Respýblıkasynyń Aýyl sharýashylyǵy mınıstrliginiń ǵylymı-zertteý ınstıtýttary basshylary men ǵalymdary, atap aıtqanda, – Qazaq eginshilik jáne ósimdik sharýashylyǵy ǵylymı-zertteý ınstıtýtynyń dırektory Serik Kenenbaev, Aýyl sharýashylyǵyn mehanıkalandyrý jáne elektrlendirý ǵylymı-zertteý ınstıtýtynyń dırektory Seıitqazy Keshýov, Qazaq veterınarııa ǵylymı-zertteý ınstıtýtynyń dırektory Ahmetjan Sultanov, Qazaq agroónerkásiptik keshen ekonomıkasy jáne aýyldyq aýmaqtardy damytý ǵylymı-zertteý ınstıtýty dırektorynyń ǵylym jónindegi orynbasary Vladımır Grıgorýk, sondaı-aq Jáńgir han atyndaǵy Batys Qazaqstan agrotehnıkalyq ýnıversıtetiniń rektory Nurlan Serǵalıev, Sáken Seıfýllın atyndaǵy Qazaq agrotehnıkalyq ýnıversıtetiniń rektory Aqylbek Kúrishbaev qatysty.
Qanat ESKENDIR,
«Egemen Qazaqstan».
ALMATY.
