PARTIIаLYQ BAQYLAÝ PÁRMENDILIGI

Jıynǵa qatysqandar qaladaǵy balalar shyǵarmashylyǵy ortaly­ǵy­nyń, 20 páterlik turǵyn úı men taǵy basqa nysandardaǵy qurylys ju­mystarynyń barysymen tany­syp, onyń sapasyna den qoıdy.Memleket basshysynyń bıylǵy Joldaýynda qarjy júıesiniń tu­raqtylyǵy men ornyqtylyǵyn qam­tamasyz etýdiń mańyzdylyǵy atap kórsetilgen. Osy mindetterdi júzege asyrý barysynda “Nur Otan” ha­lyqtyq-demokratııalyq partııasy ob­lystyq fılıaly naqty jumystardy qolǵa alyp, “Jol kartasy – halyq senimi” qo­ǵamdyq tyńdaýdy Qapsha­ǵaı qala­syn­da ótkizip, oǵan óńirdegi partııa fılıaldarynyń tóraǵalary­nyń birinshi orynbasarlary, par­tııalyq baqy­laý komıssııalarynyń tóraǵa­lary jáne Qapshaǵaı qalalyq máslıha­ty­nyń depýtattary, partııa bel­sen­dileri men úkimettik emes uıymdar músheleri, áleýmettik baǵdarlama, qurylys bólimderiniń basshylary qatysyp, kún tártibindegi máse­leniń mańyzyna mán berdi. Qoǵamdyq tyńdaýda oblystyq fılıal partııalyq baqylaý komıs­sııasynyń basshysy J.Jeksen­bı­nov “Jol kartasy” baǵdarla­ma­sy­nyń aıasynda óńirde atqarylǵan jumystarǵa toqtalyp, sońǵy eki jylda ǵana mańyzdy sharaǵa 27 mlrd. teńgege jýyq qarjy bólinip, ıgerilgenin ortaǵa saldy. Nátı­je­sinde, 20 myńǵa jýyq adam jumys­pen qamtylsa, 530-ǵa jýyq joba júzege asyrylypty. Sonymen qatar, “100 mektep, 100 aýrýhana”, “Aýyz sý”, “Turǵyn úı-kom­mý­nal­dyq sharýashylyǵy”, “Jol qury­ly­sy” baǵdarlamasymen eldi meken­derde turǵyn úı salý, jylý jáne sýmen qamtamasyz etý júıe­leri jóndelse, myńdaǵan shaqyrym kólik joldary, bilim berý, den­saý­lyq saqtaý, mádenıet jáne sport nysandaryn salý men kúrdeli jón­deýden ótkizý jumystary qam­tylǵany aıtyldy. Tek Qapshaǵaı qalasynda baǵdarlama aıasynda 15 nysan iske qosylyp, 667,7 mln. teńgeniń qurylys jumystary ıgerilse, shahar sáýlettenip, qazirgi zaman qalasyna aınalǵan. Partııanyń kezekten tys HII sezinde alǵa qoıylǵan mindetterge baılanysty jumystar aýqymy áli de jetkilikti deýge bolady. Son­dyqtan da, qoǵamdyq tyńdaý kezinde atalǵan shahardaǵy áleýmettik ny­sandar qurylysynda jol jóndeý, taǵy basqa salalardaǵy jumys­syzdyqty azaıtý men qarjy daǵ­da­rysynan shyǵýǵa baǵyttalǵan baǵ­dar­lamalardyń búgingi jaıy zerde­lenip, qalalyq partııa fılıaly janyndaǵy partııalyq komıssııa men beketterdiń jumysyna baǵa be­ril­se, tyńdaýda onyń birshama tııa­naǵy keltirilgeni atap kórsetildi. О́ńirde ótken jyly “Jol kar­tasy” negizinde júzge tarta par­tııa­lyq baqylaý beketteri jumysyn júıelese, qazirgi kezde olardyń sany edáýir artyp, belsendilikteri de nyǵaıa túsken. Osylaısha 135 par­tııalyq baqylaý beketterine saıası keńestiń músheleri, oblys­tyq, aýdandyq jáne qalalyq más­lıhat depýtattary, úkimettik emes uıym músheleri tartylyp, quramy 400-den asqan. Olar baǵdarlamanyń oryndalýyn baqylaýǵa alyp, ótken merzimde onyń pármendiligine qol jetkizilgen. Máselen, Talǵar, Ile, Eskeldi, Aqsý, Eńbekshiqazaq aýdan­dary men Qapshaǵaı, Taldyqorǵan qalalarynyń partııalyq baqylaý komıssııalary men baqylaý beket­teri­niń júrgizgen reıdteri men tyńdaýlary nátıjesinde naqty isterdiń tııanaǵy keltirilgenin kóremiz. Desek te, jaǵdaı barlyq jerde osylaı deýge bolmaıdy. Qo­ǵamdyq tyńdaý kezinde keıbir jer­lerde jumystyń sylbyr júrgizil­geni, qurylys jumystarynda otandyq ónimderdi paıdalanýdyń jetkiliksizdigi atap kórsetildi. Partııanyń qoǵamdyq tyńdaý­yn­da “Nur Otan” halyqtyq-demo­kratııalyq partııasy Qapshaǵaı qalalyq fılıaly partııalyq baqylaý komıssııasynyń tóraǵasy Q.Temirálıev, qala ákiminiń birinshi orynbasary I.Súgirov, Ile aýdany partııalyq baqylaý komıssııa­sy­nyń tóraǵasy V.Kım jáne taǵy basqalar sóılep, qarjyny ıgerý men halyqty jumyspen qamtý ba­ǵytyndaǵy alda turǵan mindetterge toqtaldy. Qaı kezde de syn men ózara synnyń qajettigi aıtyldy. Jıynǵa qatysqandar qaladaǵy balalar shyǵarmashylyǵy ortaly­ǵy­nyń, 20 páterlik turǵyn úı men taǵy basqa nysandardaǵy qurylys ju­mystarynyń barysymen tany­syp, onyń sapasyna den qoıdy. Osy­laı­sha búginde barshanyń sura­nysyna jaýap bergen “Jol kar­tasy” baǵdarlamasyna bólingen qar­jy­ny ıgerý men atqarylǵan ju­mystardyń tıimdiligi partııalyq ba­qy­laýdyń pármeni artqanyn kórsetti. Kúmisjan BAIJAN, Almaty oblysy.