Keshe Memleket basshysy Qasym-Jomart Toqaev 2026 jylǵy 15 naýryzda respýblıkalyq referendým ótkizý týraly Jarlyqqa qol qoıdy. Al búgin, 12 aqpanda «Egemen Qazaqstan» gazetinde elimizdiń jańa Konstıtýsııasynyń jobasy jarııalandy. Ol barlyǵy 96 baptan turady. Osy qujattyń 95-babynda jańa Konstıtýsııa qabyldanǵan jaǵdaıda Parlament ókilettigi qaı ýaqyttan bastap toqtaıtyny týraly aıtylǵan.
Jobada: «1995 jylǵy 30 tamyzdaǵy Qazaqstan Respýblıkasynyń Konstıtýsııasyna sáıkes qalyptastyrylǵan Qazaqstan Respýblıkasynyń Parlamenti óz ókilettigin 2026 jylǵy 1 shildeden bastap toqtatady. Konstıtýsııa kúshine engen kúnnen bastap bir aı ishinde Qazaqstan Respýblıkasynyń Prezıdenti Quryltaı saılaýyn jarııalaýǵa tıis jáne ol eki aı ishinde ótkizilýge tıis», dep jazylǵan.
Budan bólek jobada kórsetilgendeı, birinshi shaqyrylǵan Quryltaıdyń birinshi sessııasy ashylǵan kúnnen bastap eki aı ishinde Qazaqstan Respýblıkasynyń Prezıdenti Quryltaıdyń kelisimimen Vıse-Prezıdentti taǵaıyndaýǵa tıis.
Konstıtýsııalyq Sot Tóraǵasy men sýdıalary birinshi shaqyrylǵan Quryltaıdyń birinshi sessııasy ashylǵan kúnnen bastap eki aı ishinde taǵaıyndalýǵa tıis.
