Atyraý oblysynda jattyqtyrýshy jalǵan dıplommen jumys istegen

ATYRAÝ. 25 aqpan. Atyraý oblysy Isataı aýdanyndaǵy balalar men jasóspirimder sport mektebinde jattyqtyrýshynyń jalǵan dıplommen jumys istegeni anyqtaldy. Bul týraly Isataı aýdandyq prokýroratýrasy habarlady. Isataı aýdanynyń prokýrory Maqsat Ermekovtyń málimetine saı, bul derek balalar jáne jasóspirimder sport mektebindegi jattyqtyrýshylardyń joǵary jáne arnaýly orta bilimi týraly dıplomdarynyń shynaıylyǵyna taldaý júrgizý barysynda belgili bolǵan. Naqtylaı aıtqanda, bir jattyqtyrýshynyń jalǵan dıplom paıdalanǵany anyqtaldy. Jattyqtyrýshy jalǵan dıplomdy 2012 jyly Atyraý qalasynan beıtanys tulǵadan 300 myń teńge satyp alǵan. Dıplomda jattyqtyrýshy Qazaq sport jáne týrızm akademııasyn «Dene shynyqtyrý jáne sport» mamandyǵy boıynsha bitirgendigi kórsetilgen. Jalǵan dıplom boıynsha jattyqtyrýshy basketbol bóliminiń muǵalimi qyzmetin 2014 jyldyń qyrkúıek aıyna deıin atqarǵan. Sodan soń, 2014 jyldyń qyrkúıek-qarasha aılarynda «О́rken» orta mektebinde dene shynyqtyrý pániniń muǵalimi bolyp jumys jasaǵan. «Bul fakti boıynsha jattyqtyrýshynyń áreketinde Qylmystyq Kodeksiniń 385-babynyń 3-bóliginde belgilengen qylmystyq is-áreketteriniń quramy baıqalǵandyqtan, málimet aýdandyq prokýratýranyń sotqa deıingi tergep-tekserýdiń birińǵaı tizilimine tirkelip, tergeý amaldaryn júrgizý úshin Isataı aýdandyq ishki ister bólimine joldandy», dep habarlady Isataı aýdanynyń prokýrory Maqsat Ermekov. Joldasbek Shópeǵul, Derek: Isataı aýdandyq prokýroratýrasy. Sýret: news.nur.kz.