Foto: «Aýyl» partııasynyń baspasóz qyzmeti
Forýmnyń basty maqsaty – jańartylǵan Ata zań erejelerin kásibı turǵyda saralaý, ony iske asyrýǵa qatysty usynystar ázirleý jáne sarapshylar qaýymdastyǵynyń ortaq ustanymyn qalyptastyrý. Qatysýshylar Konstıtýsııalyq reformanyń el damýy úshin mańyzyn atap ótti.
Is-sharaǵa memlekettik organdar ókilderi, saıası partııa músheleri, ǵalymdar, qoǵamdyq uıymdar men jastar birlestikteriniń jetekshileri qatysty. Olar jańa Konstıtýsııa turaqty damý men qoǵamdyq kelisimdi nyǵaıtýdyń negizi bolatynyn aıtty.
Sarapshylar: Jańa Konstıtýsııa jobasy memlekettik júıeniń ornyqtylyǵyn arttyrady
«Aýyl» partııasy tóraǵasynyń orynbasary Ǵalymjan Qusmanǵalı aldaǵy referendýmnyń saıası mánine toqtaldy. Onyń aıtýynsha, bul úderis azamattardyń bılik ınstıtýttaryna degen senimin kúsheıtip, el bolashaǵyna qatysty sheshim qabyldaýǵa tikeleı qatysýyna múmkindik beredi.
«Referendým ótkizý – halyq pikirin bekitýdegi sheshýshi kezeń. Biz onyń ótýin tolyq qoldaımyz jáne árbir azamat óz ustanymyn bildirýge múmkindik alýy tıis dep senemiz», dedi ol.
Jıynda «Qoǵamdyq kelisim» RMM jetekshi sarapshysy Erjan Ibraev, Batys Qazaqstan ınnovasııalyq-tehnologııalyq ýnıversıtetiniń professory Jasqaırat Ernazarov, «Jastar qanaty» birlestiginiń jetekshisi Nurbek Nurseıtov, Saıası keńes múshesi Marına Bogomolova, kásipker Bolat Shakımov, M.О́temisov atyndaǵy Batys Qazaqstan ýnıversıtetiniń aǵa oqytýshysy Turar Shaıhıev jáne kásipker Maksım Pak óz pikirlerin bildirdi.
Baıandamalardan keıin saraptamalyq pikir almasý sessııasy ótip, qatysýshylar usynystaryn ortaǵa saldy. Talqylaý barysynda jańa Konstıtýsııanyń quqyq ústemdigin nyǵaıtýǵa, azamattardyń sheshim qabyldaý úderisine qatysý múmkindigin keńeıtýge jáne áleýmettik ádilettilik qaǵıdattaryn ornyqtyrýǵa baǵyttalǵany aıtyldy.
Forým qorytyndysynda qatysýshylar biraýyzdan jańa Konstıtýsııany eldiń qaýipsiz, ádiletti ári turaqty damýynyń berik negizi retinde baǵalap, aldaǵy referendýmdy qoldaıtyndaryn málimdedi. Sarapshylardyń pikirinshe, jalpyhalyqtyq daýys berý – strategııalyq baǵytty aıqyndaıtyn mańyzdy kezeń.
