Kókshetaýda 26,5 mlrd. teńgeniń qurylysy júrgizildi

KО́KShETAÝ. 25 aqpan. Kókshetaýda qurylys ındýstrııasy ekpin ala túsýde. Ony 2014 jyly 105,9 myń sharshy metr turǵyn úıdiń paıdalanýǵa berilýinen ańǵarýǵa bolady. Bul burnaǵy jylmen salystyrǵanda 103 paıyzdyq kórsetkishke teń. Sondaı-aq, qurylys jumystarynyń kólemi 13,1 mln. teńgeni qurap, 109 paıyzdyq deńgeıge kóterildi. Bul týraly egemen.kz tilshisi habarlady. Negizgi kapıtalǵa quıylǵa ınvestısııanyń kólemi 26,5 mlrd. teńgeni qurady. Munyń ishiede respýblıkalyq jáne jergilikti bıýdjetten balalar baqshasy men oqý oryndaryna japsarlas salynǵan ǵımarattardyń qurylysyna 1 mlrd. 241,5 mln. teńge, turǵyn úılerdiń qurylysyna jáne ony abattandyrý, ınjenerlik jelimen qamtamasyz etýge 482,1 mln. teńge, áleýmettik sala nysandarynyń jobalyq-smetalyq qujattamalaryn daıyndaýǵa jáne Dostyq úıiniń qurylysyna 326,5 mln. teńge qarjy bólinip, tolyq ıgerilgen. Bıylǵy meje de bıik bolǵaly tur. Atap aıtqanda, Kókshetaý qalasynda aýysymyna 150 adamdy qabyldaý múmkindigi bar onkologııalyq dıspanser emhanasyn jáne oblystyq balalar aýrýhanasynyń juqpaly aýralar bólimshesiniń ǵımaratyn salý josparlanýda. Sondaı-aq, jańa neke saraıynyń ǵımaraty boı kóterip, «Iýbıleınyı» stadıony kúrdeli jóndeýden ótkiziledi, al «Revolıýsııa kúresshileri» baǵynda shańǵy rollerlik keshen ashylady dep kútilýde. Baqbergen Amalbek. Derek, sýret: egemen.kz.