21 qańtardan bastap AQSh Memlekettik departamenti 75 eldiń azamattaryna, onyń ishinde el azamattaryna da ımmıgrasııalyq vızalar berýdi ýaqytsha toqtatty. Mundaı sheshim «qoǵamǵa salmaq salýy múmkin» degen sanattaǵy ótinish ıeleriniń qyzmetin shekteý maqsatynda qabyldanǵan. Elshiniń aıtýynsha, bul shara ýaqytsha sıpatqa ıe jáne kóshi-qon júıesin jetildirýge baǵyttalǵan.
«AQSh – mıgranttar arqyly qurylǵan el. Iаǵnı, bul – tarıhymyzdyń óte mańyzdy bóligi, sondyqtan ol barlyq zańnamamyzda kórinis tapqan. Bul – tolyqtaı bas tartý emes, tek ýaqytsha toqtatý. Biz ony ýaqytsha shara dep esepteımiz. Bul úderis kerisinshe kóshi-qon aǵyndaryn retteýge kómektesýdi kózdeıdi. Buǵan deıin de osyndaı bastamalar qoldanystaǵy tetikterdi jetildirý úshin engizilgen», dedi Djýlı Stafft baspasóz máslıhatynda.
10 jyldyq «Altyn vıza»: Investorlarǵa jańa múmkindikter usynyldy
Elshiniń sózinshe, vızalarǵa qoıylǵan shekteý ótinish berýshilerdiń tar sanatyna ǵana qatysty.
Úndistan Qazaqstan azamattary úshin bir aıǵa tegin vıza usyndy
Brıfıng barysynda jýrnalıster AQSh-tyń Reseı, Qytaı jáne Iranǵa qarsy engizgen sanksııalarynyń Qazaqstanmen saýda-ekonomıkalyq baılanystarǵa yqpaly jóninde de suraq qoıdy.
«Qazaqstannyń bul óńirde saýda seriktesteri óte kóp ekenin jaqsy túsinemiz. Biz eshqashan osy saýda qatynastaryn toqtatý jóninde bastama kótergen emespiz. Munda másele AQSh-tyń jeke sanksııalarynan góri halyqaralyq sanksııalar týraly bolyp otyr. Qazaqstanda bul sanksııalardyń ekonomıkaǵa keri áserin boldyrmaý baǵytynda qalyptasqan óte jaqsy tájirıbe bar. Eger osy oń dınamıka saqtalsa, sanksııalar aıtarlyqtaı yqpal etedi dep oılamaımyn», dep túıindedi elshi.
