Foto: Aýyl sharýashylyǵy mınıstrligi
Jańa tehnologııanyń ereksheligi
Ǵalymdardyń aıtýynsha, qazirgi naryqtaǵy kóptegen qurǵaq tańǵy as ónimderi qantqa baı, al taǵamdyq talshyqtar, vıtamınder men mıneraldyq zattar az. Jobalanǵan tehnologııa otandyq dándi shıkizatty paıdalanyp, dánniń quramdas bólikterin saqtaý prınsıpine negizdelgen. Nátıjesinde taǵamdyq talshyqtar, V toby vıtamınderi men mıneraldyq elementterdiń mólsheri arttyrylady, al energetıkalyq tyǵyzdyq tómen bolady.
Densaýlyqqa paıdasy
Jańa qurǵaq tańǵy as dıetalyq jáne profılaktıkalyq tamaqtaný retinde usynylady. Ol kómirsý almasýyn qalypqa keltirýge, asqazan-ishek joldarynyń jumysyn jaqsartýǵa jáne dene salmaǵyn baqylaýǵa kómektesedi. Qoldanystaǵy ımporttyq ónimdermen salystyrǵanda, bul ónim otandyq naryqqa sapaly jáne paıdaly alternatıva bolady.
Ǵylymı jáne ekonomıkalyq mańyzy
Jobany iske asyrý otandyq paıdaly ónimder jelisin keńeıtedi, qurǵaq tańǵy as ımportyna táýeldilikti tómendetedi jáne joǵary qosymsha qunmen otandyq dándi qaıta óńdeýdi damytýǵa ǵylymı negiz qalyptastyrady. Búginge deıin ónimniń daıyndaý ádisi men óndiris tehnologııasy ázirlendi, al keler jyly ónim naryqqa shyǵarylady.
