Búginde Almaty qalasynyń 8 aýdanynda 7-9-synyp oqýshylaryna arnalǵan 28 «Jas Sarbaz» synyby jumys isteıdi, oǵan qatysatyn oqýshylar sany – 768. Almaty qalalyq Polısııa departamentimen birlesip, 5-7-synyp oqýshylaryna arnalǵan 15 «Jas Saqshy» synyby ashyldy. Mektepter men kolledjder bazasynda 22 áskerı-patrıottyq klýbqa 800-den astam oqýshy qatysady.
«Alǵashqy áskerı jáne tehnologııalyq daıyndyq» pánin oqytýdyń sapasyn arttyrý maqsatynda qalada osy baǵyt boıynsha 224 pedagog eńbek etip jatyr. Bul atalǵan pánniń mazmundyq jáne ádistemelik turǵydan turaqty damyp kele jatqanyn kórsetedi. Jastardy áskerı-patrıottyq is-sharalarǵa tartýǵa erekshe kóńil bólinip jatyr. Byltyrǵy jyldyń qorytyndysy boıynsha qala mektepteri men kolledjderde áskerı jıyndar, spartakıadalar, olımpıadalar, konkýrstar, patrıottyq festıvalder, sondaı-aq «Aıbyn», «Qalqan», «Sardar», «Mergen-Arý», «Sarbaz» jáne ózge de jarystardy qamtyǵanda 90-nan astam túrli is-shara ótti.
Memlekettik keńesshi áskerı-patrıottyq tárbıe jónindegi jumysty kúsheıtýdi tapsyrdy
Almaty qalasynyń oqýshylary respýblıkalyq jáne halyqaralyq deńgeıdegi jarystarda joǵary nátıjelerge qol jetkizip keledi. Atap aıtqanda, qalanyń qurama komandasy áskerı estafetada 1-oryn ıelenip, Qorǵanys mınıstriniń kýbogin jeńip aldy. Birqatar iri spartakıada men halyqaralyq áskerı-patrıottyq saıysta júldeli orynǵa ıe boldy. Byltyr bilim berý uıymdarynda áskerı taktıkanyń negizderin tájirıbelik turǵyda meńgerýge baǵyttalǵan «Geotaktıka» baǵdarlamasy pılottyq rejımde engizildi. «Er boryshy – el qorǵaý» taqyrybymen uıymdastyrylǵan ashyq esik kúnderi aıasynda 20 myńnan astam bilim alýshy áskerı bólimderge, joǵary áskerı oqý oryndaryna jáne áskerı kafedralarǵa baryp, áskerı qyzmettiń erekshelikterimen tanysty. Júzege asyp jatqan sharalar jastardyń boıynda otansúıgishtik rýhty qalyptastyrýǵa, áskerı qyzmetke degen qurmetti arttyrýǵa jáne Otandy qorǵaýǵa jaýapkershilikpen qaraý mádenıetin nyǵaıtýǵa yqpal etip keledi.
