Saýd Arabııasy Iemen aýmaǵyn bombalaýda

ASTANA. 26 naýryz. Saýd Arabııasy kórshiles jatqan Iemen aýmaǵyndaǵy búlikshi shııttik hoýsıtterge qarsy áskerı áýe soqqysyn berdi. Sondaı-aq, bul operasııaǵa Egıpet, Marokko, Iordanııa, Sýdan Kýveıt, BAÁ, Katar jáne Bahreın elderiniń áskerı ushaqtary qatysýda. Taǵy birneshe eldiń bıligi hoýsıtterge qarsy áýe soqqysyn berýge daıyn ekenin málimdedi. Bul týraly euronews.com habarlady. Áskerı soqqy búgin túnde bastaldy. Osyǵan qatysty Saýd Arabııasynyń AQSh-taǵy elshisi Adel ál-Djýbeır túsinikteme berip: «Biz Iemenniń zańdy bıligin kóterilisshiler tarapynan bolatyn kez kelgen qaýipten qorǵaý úshin qajet nárseniń bárin jasaımyz. Sebebi, búlikshilerdiń ballıstıkalyq raketalarǵa, áskerı ushaqtarǵa jáne basqa da asa qaýipti qarýlarǵa qol jetkizý múmkindigi joǵary», – dedi. Hoýsıtterdiń áskerı búligi birneshe aıdan beri jalǵasyp keledi. Osy ýaqyt aralyǵynda olar el astanasy – Sana men birneshe iri eldi mekendi basyp aldy. Al sońǵy aptanyń ishinde shııtter úlkendigi jóninen Iemendegi úshinshi qala – Taız ben birneshe áskerı bazany óz baqylaýlaryna aldy. Búginde búlikshiler eldiń eń iri portty qalasy Adenaǵa taıap qaldy. Ol jerde Iemenniń prezıdenti Abd Rabbo Mansýr Hadıdiń jasyrynǵany belgili. Saýd Arabııasy áskerı soqqy jasaý úshin resmı Vashıngtonnyń kelisimin alǵanyn aıtty. Keıbir sarapshylar shııtterge qarsy jasalǵan bul áreket Saýb Arabııasynyń aımaqtaǵy basty qarsylasy Irannyń ashýyn týdyrýy múmkin ekenin aıtýda. Elaman Qońyr. Derek: euronews.com. Sýret: aif.ru.