Úkimettiń keńeıtilgen otyrysynda berilgen Prezıdent tapsyrmalaryn oryndaý boıynsha ekonomıkany odan ári ártaraptandyrý jónindegi tásilder qarastyrylyp jatyr.
«Memleket basshysy bizdiń aldymyzǵa ónimdilikti arttyrý jáne tehnologııalyq jańarý esebinen ósimdi qamtamasyz etý mindetin qoıdy.Bul ekonomıkalyq saıasatty túpki nátıjege, ıaǵnı halyqtyń tabysyn ulǵaıtý jáne ekonomıkalyq derbestikti nyǵaıtýǵa qaraı baǵyttaýǵa múmkindik beredi.
Dál osy tusta óńdeý salasyn ártaraptandyrý jáne ony belsendi damytý mańyzdy ról atqarady», dep atap ótti Premer-mınıstr.
Eske sala keteıik, Qasym-Jomart Toqaevtyń tóraǵalyǵymen ótken Úkimettiń keńeıtilgen otyrysynda Premer-mınıstr Oljas Bektenov halyq tabysynyń ósýin qamtamasyz etý boıynsha júrgizilip jatqan jumystar týraly baıandady. Onda azamattardyń tabys deńgeıiniń artýy ekonomıkanyń ósý qarqynyna sáıkes kelmeıtini atap ótildi.
