Onyń aıtýynsha, usynylyp otyrǵan ózgerister Qazaqstannyń aldaǵy damý baǵytyn aıqyndap, memlekettik basqarý júıesin jetildirýge serpin beredi.
«2022 jyly bastalǵan Ádiletti Qazaqstandy qurý bastamasy kezdeısoq sheshim emes, eldiń bolashaǵyn nyǵaıtýǵa baǵyttalǵan júıeli saıasat. Qazirgi reformalar – sol strategııalyq baǵyttyń jalǵasy», dedi ol.
Ermahan Ibraımovtyń pikirinshe, basty maqsat – halyq múddesin bildiretin ınstıtýttardyń rólin kúsheıtý jáne memleket pen qoǵam arasyndaǵy senimdi arttyrý. Sport salasynyń ókili retinde ol úlken jetistikke jetý úshin tártip, jaýapkershilik pen birlik qajet ekenin aıtty. Memleket te ortaq qundylyqtar men berik qaǵıdattarǵa súıengende ǵana qýatty bola alatynyn jetkizdi.
«Shynaıy patrıotızm naqty ispen dáleldenýi tıis. Sport qaýymy úshin bul – buqaralyq sportty damytý, jas daryndardy qoldaý jáne salaýatty ómir saltyn nasıhattaý arqyly kórinedi», dedi sportshy.
Qoǵamdyq talqylaýdyń mańyzyn erekshe atap ár azamattyń pikiri eskerilip, ashyq dıalog ornaǵan jaǵdaıda ǵana reformalar nátıjeli bolatynyna senim bildirdi.
Halyqaralyq qaýymdastyq Konstıtýsııalyq reformanyń ashyqtyǵyn baǵalady
Ermahan Ibraımov konstıtýsııalyq bastamalar eldiń turaqtylyǵyn nyǵaıtyp, táýelsizdikti bekemdeı túsetinine jáne bolashaq urpaqqa jarqyn keleshek syılaıtynyna senimdi ekenin jetkizdi.
