QARAJALDA DA MEREKELENDI

Astana kúni  qazynaly Qarajal qalasynda qa­lyń jurtshylyqtyń qatysýymen “Astanamen bir­ge toılaımyz!” jalpy taqyryby aıasynda ót­ki­zilgen maǵynasy zor is-sharalarmen aıshyqtaldy. Merekelik baǵdarlamalar shymyldyǵyn má­de­nı-saýyqtyrý ortalyǵy janyndaǵy beıneleý óneri úıirmesine qatysýshy balalardyń “As­tanaǵa syılyq” atty qoldanbaly óner kórmesi ashty. Qalalyq tarıhı-ólketaný murajaıynyń qyzmetkerleri ázirlegen “Elbasy jáne Elorda” taqyrybyndaǵy fotosýretter kórmesi kópshilik kóńilinen shyqty. Qalalyq memlekettik muraǵat tarapynan qoıylǵan Astananyń qalyptasý kezeńi men búgingi kelbeti jaıynda maǵlumat bere­tin  jyljymaly kórme de óz mazmun­dy­lyǵymen el nazaryn aýdardy. Qalanyń ádebıetsúıer qaýymy qalalyq mádenı-saýyqtyrý ortalyǵynda ótken aqyn, Qazaqstan Jazýshylar odaǵynyń múshesi Sábıt Bekseıittiń “Júrekten qozǵar syrym bar” atty shyǵarmashylyq keshinen úlken áser aldy. Keshte shyǵarmashyl tulǵanyń eldik pen erlik jáne Astana taqyrybyna qatysty jyrlary oqylyp, taqyrypqa saı ánder shyrqaldy. Kesh ıesin qala ákimi Ǵ.Muqashev quttyqtap, ulttyq dástúrge saı ıyǵyna shapan japty. Merekelik baǵdarlama odan keıin “Dańq alleıa­synda” Astana qurdastaryn marapattaýǵa arnalǵan “Astanamen birge ósemiz” atty aksııaǵa ulasty. Onyń barysynda Astana qurdastaryna syı-sııapattar men quttyqtaý hattar tapsy­ry­lyp, ónerli órenderdiń usynǵan merekelik baǵ­dar­lamasyna qala jurtshylyǵy qýana qol soqty. Ortalyq  alańdaǵy jalpyhalyqtyq serýenge jalǵasqan gala-konsert óziniń mazmuny men oǵan qatysýshylardyń el men jerge degen súıis­penshilik sezimderiniń sergektigimen erekshelendi. Memlekettik merekelerdiń biregeıi – Astana kúni osylaısha qalyń qaýymǵa jaǵymdy áser qal­dyrǵan mazmundy is-sharalarǵa asa baı turǵyda atap ótildi. Aıqyn NESIPBAI.