Qazaqstandyq derbes bitimgerlik kontıngent Faýar bazasynda qyzmet atqaryp, Sırııa Arab Respýblıkasynda ornalasqan Golan jotalarynda atysty toqtatý rejımin qamtamasyz etý jónindegi mindetterdi BUU-nyń ajyratýdy qadaǵalaý kúshteri quramynda oryndap keledi. BUU medalimen mıssııada qyzmet atqaryp jatqan barlyq 139 áskerı qyzmetshi marapattaldy.
Qazaqstandyq áskerı qyzmetshiler Uıym bazalaryn kúzetý men qorǵanysyn kúsheıtýdi qamtamasyz etip, jergilikti turǵyndarmen ózara is-qımyl jasaıdy jáne jaýapkershilik aımaǵynda turaqtylyqty saqtaýǵa baǵyttalǵan túrli mindetterdi oryndaıdy.
«Kontıngenttiń jeke quramy joǵary kásibı daıyndyqty, úılesimdilik pen jedel áreket etý qabiletin kórsetip keledi. BUU medali – árbir áskerı qyzmetshiniń batyldyǵy, tártibi men óz isine adaldyǵynyń, sondaı-aq mıssııa aımaǵynda beıbitshilikti saqtaý isine qosqan úlesiniń moıyndalýy», dedi bitimgerlik rotanyń komandıri podpolkovnık Jánibek Nurlanov.
2025 jylǵy sáýirden beri kontıngent áskerı qyzmetshileri 55 tapsyrmany oryndap, 1200-den astam jarylǵysh zat pen 43 qoldan jasalǵan jarylǵysh qurylǵyny joıdy. Jalpy, qazaqstandyq bitimgerlik kontıngenttiń ekinshi quramy mıssııa bastalǵaly beri 675 tapsyrmany oryndady.
Qazaqstannan 750-den asa sarbaz BUU bitimgerlik qyzmetine qatysty
Esterińizge sala ketsek, Qazaqstan Golan jotalarynda alǵashqy derbes bitimgerlik kontıngentin 2024 jylǵy naýryzda ornalastyrǵan bolatyn.
Memleket basshysy bitimgerlik mıssııasyn atqarǵan áskerılerdi marapattady
