1986 jyly Taraz qalasynda dúnıege kelgen Rýslan Qulbaev eńbekqorlyq pen jaýapkershilikti ómirlik ustanymyna aınaldyrǵan. T.Rysqulov atyndaǵy mektepten alǵan tárbıesi men «Taraz Ǵasyr» kolledjinde ıgergen bilimin ol ómirlik tájirıbemen ushtastyra bildi. Ol shyǵarmashylyq salaǵa bet buryp, ózin múlde basqa qyrynan tanytty.
Televıdenıeden bastalǵan tabandy jol
Medıa salasyndaǵy kásibı jolyn 2007 jyly «Qazaqstan Taraz» RTRK AQ-da vıdeoınjener retinde bastaǵan Rýslan kóp uzamaı tehnıkalyq sheberligimen, jaýapkershiligimen kózge tústi. Al 2008 jyldan bastap «Asyl Arna» telearnasynda rejısser ári vıdeoınjener retinde 12 jylǵa jýyq tabandy eńbek etýi – onyń salaǵa adaldyǵynyń aıqyn dáleli.
Osy jyldar ishinde ol birqatar telebaǵdarlamalar men jobalardyń sapaly shyǵýyna tikeleı úles qosty. Ásirese kórermenge oı salatyn, mazmuny tereń jobalarmen jumys isteýi – onyń shyǵarmashylyq ustanymyn ańǵartady.
Kıno men derekti fılmderdegi qoltańba
Rýslan Qulbaevtyń kásibı aýqymy tek televıdenıemen shektelmeıdi. Ol tolyqmetrajdy kórkem fılmder men serıaldarda, derekti jobalarda rejısser assıstenti, vıdeo redaktor, rejısser retinde eńbek etti.
«DODA», «Sergelden», «Shabdaly» fılmderi men «Kóke» teleserıaly – sonyń aıǵaǵy.
Ásirese halyqaralyq deńgeıdegi derekti fılmderdegi eńbegi bólek atap ótýge turarlyq. Ulybrıtanııa men AQSh-ta túsirilgen «Munaraly Eýropa 2», «Munaraly Amerıka», sondaı-aq Los-Andjeleste túsirilgen «KZ Amerıkada: Tabys tarıhy» derekti fılmi – onyń kásibı kókjıeginiń keńdigin kórsetedi. Bul jobalarda ol qazaqtyń bolmysyn, eńbekqor azamattardyń jetistik jolyn shynaıy ári zamanaýı formatta kórsete bildi.
Jahandyq tájirıbe – kásibı ósý kepili
Álemniń birneshe elin aralap, túrli mádenı ortada jumys isteýi Rýslan Qulbaevtyń dúnıetanymyn keńeıtip, shyǵarmashylyq kózqarasyn shyńdady. Ulybrıtanııa, AQSh, Túrkııa, Saýd Arabııasy, Qyrǵyzstan sekildi elderdegi tájirıbe onyń kásibı deńgeıin jańa satyǵa kóterdi.
Otbasy men jaýapkershilik
Kásibı jetistikterimen qatar, ol – tórt balanyń ákesi, otbasyna jaýapkershilikpen qaraıtyn azamat. Bul da onyń ómirge, eńbekke degen kózqarasynyń berik ekenin kórsetedi.
Rýslan Qulbaev – ataq qýyp emes, sapaǵa jumys isteıtin, únsiz eńbegimen nátıjege jetken maman. Onyń joly – jas mamandar úshin úlgi, al eńbegi – qazaq medıasynyń damýyna qosylǵan naqty úles. Osyndaı kásibı, jan-jaqty, eńbekqor azamattar arqyly otandyq televıdenıe men kınonyń bolashaǵy nyq qadammen alǵa jyljıdy.
