«Islam memleketiniń» sodyrlary ózbek shekarasyna jetti

ASTANA. 26 naýryz. О́zbekstannyń Ulttyq Qaýipsizdik qyzmeti el shekarasynda boı tasalap júrgen «Islam memleketi» lańkestik tobynyń sodyrlarynan qaýiptenedi. Ásirese, Aýǵanstanmen shekaradaǵy lańkester óte belsendi. Sondaı-aq, túrikmen-ózbek shekarasynda da sodyrlar jıi tóbe kórsetip júr. Bul týraly news-asia.ru habarlady. Ulttyq Qaýipsizdik qyzmetiniń sarapshysy Bahtıer Sharafovtyń aıtýynsha, Aýǵanstanǵa shoǵyrlanǵan ekstremıster О́zbekstan men Ortalyq Azııa elderine úgit-nasıhat júrgizý úshin óz adamdaryn jibergen. «Ortalyq Azııanyń basty qaqpasy sanalatyn О́zbekstan shekarasynda «Islam memleketi» sodyrlarynyń paıda bolýy óńirde lańkestikten tóngen qaýipti kúsheıtti. Ýaqyt ótken saıyn ekstremıstik uıymmen soǵystyń aıasy keńeıip keledi. Sonyń saldarynan áskerı jáne basqa da soǵys tásilderi qoldanylýda. Bizder Soltústik Aýǵanstandaǵy jergilikti jıhadshylar men lańkestik toptyń birigip áreket etýinen qaýiptenemiz», – deıdi Bahtıer Sharafov. Osyǵan deıin sarapshylar Aýǵanstannan AQSh áskeri shyǵarylsa, sodyrlardyń belsendiligi artýy múmkin ekenin birneshe ret aıtqan bolatyn. Elaman Qońyr. Derek: news-asia.ru. Sýret: cont.ws.