Qostanaıda 92 jastaǵy ardagerdi alaıaq aldap soqqan

QOSTANAI. 25 aqpan. Qostanaıda1981 jyly týǵan alaıaq boıjetken Uly Otan soǵysynyń ardagerin nemeresi bolyp aldap, 30 myń teńge aqshasyn alyp ketken. Bul týraly ng.kz habarlady. Uly Otan soǵysynyń ardageri 92 jastaǵy Ivan Kotelevskıı men onyń jubaıy Valentına Vasılevnanyń esigin qaǵyp kirgen qyz, oǵan tańdanyp qaraǵan qarııalarǵa: «Nemerelerińdi tanymaı qaldyńdar ma?» dep kúledi. Atasynyń «Tanıamysyń?» degenine: «Iá, ıá» deıdi.Sosyn, «emhanaǵa baryp edim, dárige aqsham jetpeı tur» deıdi. Osydan eki jyl buryn shóbere syılaǵan nemeresi Tanıanyń atasy men ájesine jıi kele berýge ýaqyty joq, sondyqtan kózi nashar kóretin qarııalar bóten qyzdyń Tanıa ekenine senedi. Osyny maldanǵan «nemeresi» atasynan 20 myń aqsha suraıdy. Atasy 20 myń teńge bergende, «Maǵan jalpy 33 myń kerek edi, jaraıdy, 3 myń teńge ózimde bar, 30 myń bere qoı» dep, 30 myń teńge alyp, shyǵyp ketedi. Qarııalar aldanǵanyn qyz ketken soń biledi. Valentına Vasılevna onyń aq kýrtkasy, aq etigi, aq shalbary bar ekenin, ózderimen sóıleskende betin buryp otyrǵanyn baıqap qalady. Atasy men ájesi óziniń nemere qyzy Tanıaǵa telefon soqqanda, úıine alaıaqtyń kelgenin túsinedi. Olardyń esiginiń syrtynda «Bul úıde Uly Otan soǵysynyń ardageri turady» degen jazýdan alaıaq qarttar turatynyn bilse kerek. Qostanaılyq polıseıler kóp uzamaı alaıaq qyzdy ustady. Ol 1981 jyly týǵan, esirtkige táýeldi jáne osyndaı alaıaqtyǵy, urlyǵy úshin talaı ret qylmysty iske tartylǵan boıjetken eken. Názıra Járimbetova. Derek, sýret: ng.kz .