Batys Qazaqstanda departament basshysy qamaýǵa alyndy

ORAL. 25 aqpan. Batys Qazaqstan oblystyq memlekettik múlik jáne jekeshelendirý departamentiniń basshysy para aldy degen kúdikpen qamaýǵa alyndy. Bul týraly egemen.kz tilshisi habarlady. Oryn alǵan osy jáıt boıynsha Oral qalalyq soty atalǵan departamenttiń basshysy Jeksenǵalı Serikopovqa eki aı merzimge bultartpaý sharasyn qoldandy. Batys Qazaqstan oblystyq sotynyń baspasóz qyzmeti taratqan derekke súıensek ol jeke kásipkerden 400 myń teńge talap etken. Máseleniń mánisi mynada. Atalǵan menshik ıesi qoǵamdyq tamaqtandyrý ornyn jaldap paıdalaný jóninde onyń ıesimen kelisimshartqa otyrǵan. О́zara kelisilgen belgili bir kezeńde onyń merzimi aıaqtalǵan. Budan ári kelisimsharttyń merzimin taǵy da odan ári uzartýdyń reti men múmkindigi bolmaǵan. Osyndaı urymtal sátti paıdalanyp atalǵan departament basshysy joǵaryda aıtylǵandaı óte las is áreketke barǵan. Sóıtip ol kelisimniń merzimin odan ári uzartý úshin 400 myń teńge kóleminde para berýdi suraǵan. Alaıda, onyń bul jymysqy oıy iske aspady. Ol kórsetilgen somanyń alý kezinde ustaldy. Qazirgi kúni laýazymdy qyzmetkerge qatysty Qylmystyq kodekstiń belgili bir baby men bóligi jáne tarmaǵy boıynsha aıyp taǵylyp otyr. Temir Qusaıyn. Derek: egemen.kz. Sýret:Turkestan.kz.