Qazaqstan Respýblıkasy Energetıka mınıstrliginiń buıryǵy  №159

2014 jylǵy 28 qarasha,  Astana qalasy Munaı ónimderin berý jónindegi biryńǵaı operatordyń Qazaqstan Respýblıkasynyń Qarýly Kúshterine, Qazaqstan Respýblıkasy Ulttyq qaýipsizdik komıtetiniń Shekara qyzmetine, Qazaqstan Respýblıkasynyń Ulttyq ulanyna, azamattyq qorǵaý salasyndaǵy ýákiletti organǵa, memlekettik materıaldyq rezerv salasyndaǵy ýákiletti organǵa munaı ónimderin berý qaǵıdasyn bekitý týraly «Munaı ónimderiniń jekelegen túrlerin óndirýdi jáne olardyń aınalymyn memlekettik retteý týraly» Qazaqstan Respýblıkasynyń 2011 jylǵy 20 shildedegi Zańynyń 7-baby 21-1) tarmaqshasyna sáıkes buıyramyn: 1. Qosa berilgen Munaı ónimderin berý jónindegi biryńǵaı operatordyń Qazaqstan Respýblıkasynyń Qarýly Kúshterine, Qazaqstan Respýblıkasy Ulttyq qaýipsizdik komıtetiniń Shekara qyzmetine, Qazaqstan Respýblıkasynyń Ulttyq ulanyna, azamattyq qorǵaý salasyndaǵy ýákiletti organǵa, memlekettik materıaldyq rezerv salasyndaǵy ýákiletti organǵa munaı ónimderin berý qaǵıdasy bekitilsin. 2. Munaı ónerkásibin damytý departamenti belgilengen zańnama tártibinde qamtamasyz etsin: 1) Qazaqstan Respýblıkasynyń Ádilet mınıstrliginde osy buıryqty memlekettik tirkeý; 2) Qazaqstan Respýblıkasynyń Ádilet mınıstrliginde onyń memlekettik tirkelgeninen keıin kúntizbelik on kún ishinde osy buıryqty resmı jarııalaýǵa buqaralyq aqparat quraldaryna jáne «Ádilet» aqparattyq quqyqtyq júıege jiberýdi; 3) osy buıryqty Qazaqstan Respýblıkasy Energetıka mınıstrliginiń resmı ınternet-resýrsynda jarııalaý. 3. Osy buıryqtyń oryndalýyn baqylaý Qazaqstan Respýblıkasy Energetıka mınıstrliginiń birinshi vıse-mınıstri U.S. Qarabalınǵa júktelsin. 4. Osy buıryq onyń birinshi resmı jarııalanǵan kúninen keıin on kúntizbelik kún ótkennen soń qoldanysqa engiziledi. Qazaqstan Respýblıkasynyń Energetıka mınıstri V. ShKOLNIK. «KELISILGEN» Qazaqstan Respýblıkasy Qarjy mınıstri _____________ B. Sultanov 2014 jylǵy 18 jeltoqsan «KELISILGEN» Qazaqstan Respýblıkasy Ulttyq ekonomıka mınıstri _____________ E. Dosaev 2014 jylǵy 23 jeltoqsan «KELISILGEN» Qazaqstan Respýblıkasy Qorǵanys mınıstri _____________ I. Tasmaǵambetov 2014 jylǵy 11 jeltoqsan «KELISILGEN» Qazaqstan Respýblıkasy Ishki ister mınıstri _____________ Q. Qasymov 2014 jylǵy 12 jeltoqsan «KELISILGEN» Qazaqstan Respýblıkasy Ulttyq qaýipsizdik komıteti _____________ N. Ábiqaev 2014 jylǵy 5 jeltoqsan Qazaqstan Respýblıkasy Energetıka mınıstriniń 2014 jylǵy 28 qarashadaǵy №159 buıryǵymen bekitilgen Munaı ónimderin berý jónindegi biryńǵaı operatordyń Qazaqstan Respýblıkasynyń Qarýly Kúshterine, Qazaqstan Respýblıkasy Ulttyq qaýipsizdik komıtetiniń Shekara qyzmetine, Qazaqstan Respýblıkasynyń Ulttyq ulanyna, azamattyq qorǵaý salasyndaǵy ýákiletti organǵa, memlekettik materıaldyq rezerv salasyndaǵy ýákiletti organǵa munaı ónimderin berý qaǵıdasy 1. Jalpy erejeler 1. Munaı ónimderin berý jónindegi biryńǵaı operatordyń Qazaqstan Respýblıkasynyń Qarýly Kúshterine, Qazaqstan Respýblıkasy Ulttyq qaýipsizdik komıtetiniń Shekara qyzmetine, Qazaqstan Respýblıkasynyń Ulttyq ulanyna, azamattyq qorǵaý salasyndaǵy ýákiletti organǵa, memlekettik materıaldyq rezerv salasyndaǵy ýákiletti organǵa munaı ónimderin berý qaǵıdasyn bekitý týraly (budan ári - Qaǵıda) «Munaı ónimderiniń jekelegen túrlerin óndirýdi jáne olardyń aınalymyn memlekettik retteý týraly» Qazaqstan Respýblıkasynyń 2011 jylǵy 20 shildedegi Zańy (budan ári - Zań) 7-babynyń 21-1) tarmaqshasyna sáıkes ázirlengen. 2. Qaǵıda Qazaqstan Respýblıkasynyń Qarýly Kúshterine, Qazaqstan Respýblıkasy Ulttyq qaýipsizdik komıtetiniń Shekara qyzmetine, Qazaqstan Respýblıkasynyń Ulttyq ulanyna, azamattyq qorǵaý salasyndaǵy ýákiletti organǵa, memlekettik materıaldyq rezerv salasyndaǵy ýákiletti organǵa munaı ónimderin berýdi uıymdastyrý jáne júzege asyrý tártibin anyqtaıdy. 3. Qaǵıdada kelesi termınder men anyqtamalar qoldanylady: 1) kontragentter – óz muqtajy úshin biryńǵaı operatordan munaı ónimderin satyp alatyn Qazaqstan Respýblıkasynyń Qarýly Kúshteri, Qazaqstan Respýblıkasy Ulttyq qaýipsizdik komıtetiniń Shekara qyzmeti, Qazaqstan Respýblıkasynyń Ulttyq ulany, azamattyq qorǵaý salasyndaǵy ýákiletti organ, memlekettik materıaldyq rezerv salasyndaǵy ýákiletti organ; 2) munaı ónimderi - jekelegen munaı ónimderi: benzın, dızel otyny, avıasııalyq otyn (MemST 10227-86 «Reaktıvtik qozǵaltqyshtarǵa arnalǵan otyn. Tehnıkalyq sharttar»), mazýt; 3) munaı ónimderin berý jónindegi biryńǵaı operator (biryńǵaı operator) – Qazaqstan Respýblıkasynyń Úkimeti bekitken, Qazaqstan Respýblıkasynyń Qarýly Kúshteri, Qazaqstan Respýblıkasy Ulttyq qaýipsizdik komıtetiniń Shekara qyzmeti, Qazaqstan Respýblıkasynyń Ulttyq ulany, azamattyq qorǵaý salasyndaǵy ýákiletti organdy, memlekettik materıaldyq rezerv salasyndaǵy ýákiletti organdy munaı ónimderimen qamtamasyz etý, sondaı-aq olarǵa munaı ónimderin saqtaý jáne jetkizý qyzmetterin kórsetý negizgi qyzmet máni bolyp tabylatyn zańdy tulǵa; 4) ótinim – kontragenttiń biryńǵaı operatormen jasasqan sharty boıynsha biryńǵaı operatorǵa munaı ónimderiniń kólemin, túrin, berý oryndaryn, merzimderin jáne munaı ónimderin berýdiń basqa da jaǵdaılaryn kórsete otyryp, biryńǵaı operatorǵa beriletin munaı ónimderin tıep-jóneltý týraly jazbasha ótinishi; 5) janar-jaǵar maı quıý stansııasy – munaı ónimderin saqtaýdy jáne bólshek saýda arqyly ótkizýdi qamtamasyz etetin, jabdyqpen jaraqtandyrylǵan tehnologııalyq keshen. 6) talon – sáıkestendirý sıpattamalary: serııasy, nómiri, sý belgisi belgili bir qoldanys merzimi kórsetilgen qatań eseptegi baqylaý qujaty, ol merzim ishinde kontragent munaı ónimderin qabyldaýdy qamtamasyz etedi jáne ony kórsetken kezde biryńǵaı operator kontragentke janar-jaǵar maı quıý stansııasynda munaı ónimin atalǵan qujatta kórsetilgen ataýy jáne kóleminde tapsyrady; 7) talondy ıelenýshi – kontragent qyzmetkeri (qyzmetshisi) nemese kontragent talondy (talondardy) tapsyrǵan kontragenttiń ýákiletti tulǵasy; 8) otyn kartasy – janar-jaǵar maı quıý stansııasynda munaı ónimderin tapsyrýdy esepteıtin jekelegen tehnıkalyq quraldy bildiretin, engizilgen elektrondy mıkrosyzbasy bar, munaı ónimderiniń aýdarylǵan kólemi týraly aqparattan turatyn plastıkalyq karta, onyń sheginde otyn kartasyn ıelenýshi janar-jaǵar maı quıý stansııasynda munaı ónimin alýǵa quqyly; 9) otyn kartasyn ıelenýshi – kontragent qyzmetkeri (qyzmetshisi) nemese kontragentpen otyn kartasyn tapsyrǵan basqa ýákiletti tulǵasy; 10) daǵdarysty jaǵdaıat – memlekette nemese onyń belgili bir aýmaǵynda ulttyq qaýipsizdikke qaýip tónýin aldyn-alý jáne beıtaraptandyrý sharalarynyń qoldanystaǵy júıesi halyqtyń densaýlyǵy men ómirin qamtamasyz etý, qoǵamdyq tártipti, ishki saıası turaqtylyq pen konstıtýsııalyq qatardyń negizderin qorǵaý úshin jetkilikti bolmaıtyn jaǵdaılar men jaǵdaıattar jıyntyǵy; 11) áýejaı – áýe kemelerin qabyldaý jáne jóneltý, áýe tasymaldaýyna qyzmet kórsetýge arnalǵan jáne osy maqsatta aerodrom, aerovokzal, basqa qajetti qurylystary men jabdyqtary bar qurylys kesheni; 12) býnkerleý – kemeniń (áskerı kemeniń) qozǵalysyn qamtamasyz etýge konstrýktıvtik taǵaıyndalǵan syıymdylyqpen osy kemege (áskerı kemege) otyndy tasymaldaý; 13) munaı ónimderiniń bazasy – munaı ónimderin qabyldaý, saqtaý, tıep-jóneltý jáne ótkizýge arnalǵan, Qazaqstan Respýblıkasynyń tehnıkalyq retteý týraly zańnama talaptaryna sáıkes keletin tehnologııalyq jabdyqtar, rezervýarlyq park, tehnıkalyq qurylǵylar men kommýnıkasııalar enetin ǵımarattar men qurylystar kesheni; 14) rezervýar – esepke alatyn baqylaý aspaptarymen jabdyqtalǵan, munaı ónimderin kóterme saýda arqyly berýshige nemese munaı ónimderin bólshek saýda arqyly ótkizýshige menshik quqyǵymen nemese ózge de zańdy negizderde tıesili munaı ónimderi bazasynda ne munaı ónimderin óndirýshiniń óndiristik obektilerinde munaı ónimderin qabyldaýǵa, saqtaýǵa, jóneltýge jáne ótkizýge arnalǵan ydys; 15) munaı ónimderin berý – munaı ónimderin bólshek saýda arqyly ótkizý, olardy saqtaý men jetkizýdi (tasymaldaýdy) qamtamasyz etý enetin munaı ónimderimen kontragentterdi qamtamasyz etý. 2. Munaı ónimderin berý tártibi 4. Kontragentterdi osy Qaǵıdanyń shartttaryna sáıkes munaı ónimderin berý aıasynda munaı ónimderimen qamtamasyz etý bólshek saýdada ótkizý túrinde júzege asyrylady. 5. Biryńǵaı operatorǵa munaı ónimderin berýdiń aldaǵy josparly jylyna deıingi jyldyń 1 qarashasynan keshiktirmeı osy Qaǵıdamen kózdelgen Inkoterms-2010 bazıstik berý jaǵdaılary sheginde aılar, Qazaqstan Respýblıkasy aýmaǵynda berý oryndary men tutyný kólemderine bólip kórsete otyryp, kontragentter aldaǵy kúntizbelik jylǵa josparlanǵan qajettilik týraly málimetterdi beredi. 6. Biryńǵaı operator kontragentke aldaǵy kúntizbelik jylǵa munaı ónimderin berýdiń boljamdy baǵalary, onyń ishinde munaı ónimderin bólshek saýda arqyly ótkizýge, munaı ónimderin saqtaý jáne jetkizýdi (tasymaldaýdy) qamtamasyz etý qyzmetterine baǵalary týraly málimetti munaı ónimderin berýdiń aldaǵy josparly jylyna deıingi jyldyń 1 aqpanynan keshiktirmeı usynady. Qajettiligine qaraı kontragentter boljamdy baǵalar týraly qosymsha málimetti surata alady. Munaı ónimderin berýge biryńǵaı operatormen usynylǵan boljamdy baǵalar kontra­gentterdiń aldaǵy qarjy jylyna shyǵyndardy josparlaý úshin negizdeme bolyp tabylady. 7. Munaı ónimderin berýdiń kelesi túrleri qarastyrylady: 1) benzındi, dızel otynyn janar-jaǵar maı quıý stansııasynan talon nemese kartochka júıesi boıynsha berý. Benzındi jáne dızel otynyn talon júıesi boıynsha berýdi biryńǵaı operator men kontragent arasynda biryńǵaı operatordyń EXW-abonenttik sektory (Inkoterms - 2010) talaptarynda jasasqan shartqa sáıkes belgilengen kólemi men nomınalynda biryńǵaı operator kontragentke talondardy berý arqyly júzege asyrylady. Belgili bir ataýy men kóleminde, talonnyń nomınalyna sáıkes keletin munaı ónimderin alýdy talon ıeleri talondardyń jaramdylyq merzimi ishinde sharttyń talaptaryna sáıkes janar-jaǵar maı quıý stansııalarynan olarǵa talondardy berý kezinde júzege asyrylady. Karta júıesi boıynsha benzın men dızel otynyn berý biryńǵaı operatordyń EXW-abonenttik sektory (Inkoterms - 2010) talaptarynda, sondaı-aq jasasqan sharttyń ózge talaptarynda biryńǵaı operatordyń kontragentke otyn kartalaryn ýaqytsha óteýsiz paıdalanýǵa tapsyrý arqyly júzege asyrylady. Karta júıesi boıynsha satyp alynatyn munaı ónimderi ataýynyń kólemi shartpen belgilengen tártipte kontragent beretin otyn kartasyn tolyqtyrýǵa berilgen ótinim negizinde otyn kartasyna aýdarylady. Belgili bir ataýy men otyn kartasyna aýdarylǵan kólemnen aspaıtyn kólemde munaı ónimderin alýdy otyn kartasynyń ıeleri sharttyń talaptaryna sáıkes janar-jaǵar maı quıý stansııasynda olardyń otyn kartalaryn usyný kezinde júzege asyrady. Talondar men otyn kartalary Qazaqstan Respýblıkasynyń barlyq aýmaǵynda kúntizbelik toqsan ishinde qoldanylady. Talondardyń jaramdylyq merzimi jáne otyn kartalaryn tolyqtyrý merzimi kúntizbelik toqsan kúnnen kem emes kezeńge uzartylýy múmkin; 2) benzındi, dızel otynyn quıý arqyly kontragenttiń munaı ónimderin saqtaý qoımasynan berý. Benzındi, dızel otynyn munaı ónimderi bazasynan quıý arqyly berý kezinde kontragentter osy Qaǵıdanyń 8-tarmaǵynda qarastyrylǵan merzimde biryńǵaı operatorǵa usynady; 3) mazýtty biryńǵaı operatordyń jáne (nemese) Kontragenttiń munaı ónimderin saqtaý qoımasyna (munaı ónimderi bazasy/rezervýar) berý. Mazýtty berý kontragentterdiń ótinimderi negizinde júzege asyrylady, olar osy Qaǵıdanyń 8-tarmaǵynda kózdelgen merzimde beriledi; 4) dızel otynyn býnkerleý arqyly berý. Dızel otynyn kemelerdi (áskerı kemelerdi) býnkerleý arqyly berý Kaspıı teńiziniń akvatorııasynda júzege asyrylady. Dızel otynyn býnkerleý arqyly berý kezinde kontragentter biryńǵaı operatorǵa osy Qaǵıdanyń 8-tarmaǵynda kózdelgen merzimde ótinimdi usynady; 5) avıasııalyq otyndy quıý arqyly berý. Biryńǵaı operator men kontragent arasynda jasasqan shartpen kózdelgen talaptarda biryńǵaı operator saqtaý bazasynan avıasııalyq otyndy quıý arqyly berýdi júzege asyrady. Quıý arqyly bergen kezde, kontragentter biryńǵaı operatorǵa berý bazısin kórsete otyryp, tıep-jóneltýdiń boljanǵan kúnine deıin keminde 20 jumys kúni buryn ótinimdi usynady. Kontragenttiń saqtaý bazasyna avıasııalyq otyndy berý kezinde kontragent is júzinde berilgen avıasııalyq otynnyń ótinim bildirilgen kóleminen yqtımal aýytqýshylyqty avto- jáne/nemese temirjol sısternalarynyń kalıbrleý normalary sheginde qabyldaıdy. Sonymen qatar, tolyq berilmegen kólem toqsannyń (jartyjyldyqtyń, jyldyń) qorytyndysy boıynsha biryńǵaı ótinimge keltiriledi jáne sharttyń talaptaryna sáıkes berilýi tıis; 6) avıasııalyq otyndy áýe kemesine quıý arqyly berý. Biryńǵaı operator áýe kemelerine quıýdy Qazaqstan Respýblıkasynyń áýejaılarynda «Qazaqstan Respýblıkasynyń áýe keńistigin paıdalaný jáne avıasııa qyzmeti týraly» Qazaqstan Respýblıkasynyń 2010 jylǵy 15 shildedegi Zańynyń 14-baby 1-tarmaǵynyń 41-45) tarmaqshasyna sáıkes azamattyq avıasııa salasyndaǵy ýákiletti organmen bekitilgen Qazaqstan Respýblıkasynyń azamattyq avıasııa uıymdarynda avıasııalyq janar-jaǵarmaı materıaldary men arnaýly suıyqtyqtardy saqtaýdyń, quıýǵa berýge daıyndaýdyń jáne olardyń sapasyna baqylaý júrgizý qaǵıdasyna sáıkes júzege asyrady. О́tinimdi usyný merzimi sharttarmen anyqtalady. 8. Osy Qaǵıdada kózdelgen jaǵdaılarda kontragentter biryńǵaı operatorǵa munaı ónimderin tıep-jóneltýdiń boljanǵan kúnine deıin keminde 20 (jıyrma) jumys kúni biryńǵaı operatorǵa ótinimdi usynady. 9. Biryńǵaı operatordyń ótinimderdi oryndaý tasymaldaýǵa arnalǵan sısternalardyń kalıbrleý normalaryna sáıkes júrgiziledi. 10. Tótenshe jáne (nemese) daǵdarysty jaǵdaılar týyndaǵan kezde, biryńǵaı operator kontragentterge, talondar men otyn kartalarynyń ıelerine munaı ónimderin tıep-jóneltýdi aldyńǵy kezektegi tártipte júzege asyrady. Kontragent biryńǵaı operatorǵa tótenshe jaǵdaılar týyndaǵany týraly shuǵyl túrde, munaı ónimderin tıep-jóneltý bastalǵanǵa deıin habarlaıdy. 11. Munaı ónimderin berý «Memlekettik satyp alýlar týraly» Qazaqstan Respýblıkasynyń 2007 jylǵy 21 shildedegi Zańynyń 4-baby 36) tarmaqshasyna sáıkes olarmen memlekettik satyp alýlar týraly shartyn jasaýdy jáne berýshini tańdaýdy retteıtin memlekettik satyp alýlar týraly Qazaqstan Respýblıkasy zańnamalarynyń normalary qoldanylmaıtyn munaı ónimderin berý týraly shart negizinde júzege asyrylady. 12. Baǵalaryna memlekettik retteý belgilengen munaı ónimderin berý týraly sharttary bir kúntizbelik jyldan aspaıtyn merzimge jasasady. 13. Baǵalaryna memlekettik retteý belgilengen munaı ónimderin berý týraly sharttary Kontragentke bir kúntizbelik toqsannyń ishinde talap etiletin munaı ónimderiniń kólemine kúntizbelik jyldyń sońyna deıingi jaramdylyq merzimimen toqsan saıyn jasasady. 14. Sharttyń talaptary kontragenttiń jáne biryńǵaı operatordyń kelisimi boıynsha osy Qaǵıdaǵa qarama-qaıshy kelmeıtin bóliginde ózgertilýi múmkin. 3. Baǵa belgileý tártibi 15. Baǵalaryna memlekettik retteý belgilengen munaı ónimderiniń quny «Munaı ónimderiniń jekelegen túrlerin óndirýdi jáne olardyń aınalymyn memlekettik retteý týraly» Qazaqstan Respýblıkasynyń 2011 jylǵy 20 shildedegi Zańynyń 14-baby 2-tarmaǵyna sáıkes belgilengen munaı ónimderin bólshek saýda arqyly ótkizýge shekti baǵalarǵa sáıkes belgilengen biryńǵaı operatordyń baǵalary boıynsha júzege asyrylady. 16. Munaı ónimderin berý qunyna munaı ónimderin berý týraly sharttarda kórsetilgen munaı ónimderin jekizýmen, onyń ishinde munaı ónimderiniń quny, saqtaý qyzmetteri nemese biryńǵaı operatordyń munaı ónimderin jetkizýdi (tasymaldaý) qamtamasyz etý qyzmetteri, sondaı-aq kórsetilgen tásilmen munaı ónimderin bergen jaǵdaıda, kemelerdi (áskerı kemelerdi) býnkerleý nemese áýe kemesine janarmaı quıýmen baılanysty baılanysty shyǵyndar enedi. Buıryq Qazaqstan Respýblıkasynyń Ádilet mınıstrliginde 2015 jylǵy 23 qańtardaǵy Normatıvtik quqyqtyq kesimderdi memlekettik tirkeýdiń tizilimine №10142 bolyp engizildi.