El damýyndaǵy sheshýshi kezeń

M.Áshimbaev qatysýshylarǵa iltıpat bildirip, konstıtýsııalyq reforma el damýyndaǵy sheshýshi kezeń ekenin tilge tıek etti. Jańa Ata zań jobasy Ádiletti Qazaqstan ıdeıasyn tolyq iske asyrýǵa yqpal etip, saıası júıe­ni demokratııalandyrý men jań­ǵyr­týdyń quqyqtyq negizin aıqyn­daıtyny da aıtyldy.

«Prezıdent Qasym-Jomart Toqaevtyń bastamasymen barlyq salada asa mańyzdy reformalar júıeli túrde júzege asyrylyp keledi. Qazir júrgizilip jatqan kons­tı­tý­sııalyq ózgerister sol irgeli istiń júıeli ári dáıekti jalǵa­sy ekeni anyq. Memleket basshy­synyń Jarlyǵymen 15 naýryzda jańa Konstıtýsııaǵa baılanysty respýblıkalyq referendým ótedi. Bul – eldiń saıası júıesin demo­kra­tııalandyrý jolyndaǵy tarıhı kezeń. Ata zań, eń aldymen, memle­kettilik pen Táýelsizdikti nyǵaıtý­men qatar azamattardyń ál-aýqatyn art­tyrýǵa baǵyttalǵan. Sondyq­tan jańa Konstıtýsııa jobasy Zań men tártip qaǵıdattaryna, aza­mat­tardyń múddeleri men quqyq­tary­na taban tireıdi», dedi Senat tóraǵasy.

Palata spıkeri jańa Konstı­tý­sııanyń preambýlasyna toq­talyp, munda adamnyń quqyqtary men bostandyqtary alǵash ret mem­lekettiń negizgi basymdyǵy retin­de bekitilgenin atap ótti. Son­daı-aq ol adam kapıtaly, bilim, ǵy­lym, ınnovasııany damytýǵa baǵyt­talǵan erejelerge erekshe toqtaldy.

Sonymen qatar Senat tóraǵa­sy konstıtýsııalyq reforma saıa­sı júıe evolıýsııasynyń tabı­ǵı jalǵasy, sarapshylar men aza­mattyq qoǵamdastyq ókilderiniń uzaqmerzimdi birlesken jumysy­nyń nátıjesi ekenin aıtty.

«Jańa Konstıtýsııa – Ádiletti Qazaqstannyń konstıtýsııalyq modeliniń, jalpy eldiń ornyqty damýynyń quqyqtyq negizin qalaı­tyn tarıhı qujat. Osyǵan baı­la­nysty bılik tarmaqtarynyń tıim­diligine negizdelgen zamanaýı memlekettik basqarý júıesin qurý kózdelip otyr. Ata zańnyń normalaryna sáıkes Quryltaıdyń ókildi róli artyp, jańa saıası ıns­tıtýttar qurylady. О́ńirler­diń jáne barlyq áleýmettik toptyń ókil­digin qamtamasyz etý úshin jo­ǵary konsýltatıvtik organ retin­de Halyq keńesi qalyp­tasa­tyny belgili. Memlekettik bılik or­gandarynyń konstıtý­sııalyq mártebesi, quzyreti men mindet­teri de aıqyndalyp otyr», deı kele M.Áshimbaev máslıhat depýtattaryn Memleket basshysy belgilep bergen mindetterdi iske asyrý jolynda judyryqtaı jumylýǵa shaqyrdy.

Keńeske qatysýshylar qazirgi ózgeristerge, onyń ishinde bılik júıesin transformasııalaýǵa qatysty da pikir bildirdi. Sondaı-aq Quryltaı, Halyq keńesi, taǵy basqa da jańa saıası ınstıtýttar, olardyń qalyptasýy, mindetteri, quzyretteri men qyzmeti sóz boldy. Konstıtýsııalyq reforma Par­lament pen máslıhat depýtattary, qoǵam qaıratkerleri, túrli sala­daǵy sarapshylar men mamandar, sondaı-aq el erteńine beıjaı qa­ramaıtyn belsendi azamattar qatys­qan keshendi ári júıeli jumystyń nátıjesi ekenin aıtty qatysýshylar.

Otyrysqa senatorlarmen birge oblystyq, qalalyq máslı­hat­­tardyń depýtattary men qo­ǵam­dyq uıy­mdardyń ókilderi qatysty.