Qazaqstan Respýblıkasy Ulttyq Bankiniń resmı habary
Almaty 2015 jylǵy 14 tamyz
Eskertkish monetalardy aınalysqa shyǵarý týraly
«Qazaqstan Respýblıkasynyń Ulttyq Banki týraly» 1995 jylǵy 30 naýryzdaǵy Qazaqstan Respýblıkasynyń № 2155 Zańyna sáıkes, Qazaqstan Respýblıkasynyń Ulttyq Banki 2015 jylǵy 14 tamyzda «Banknotalardaǵy portretter» monetalar serııasynan nomınaldyq quny 500 teńgelik, «rroof» sapaly altynnan jáne kúmisten jáne nomınaldyq quny 50 teńgelik neızılber qospasynan «Abaı» eskertkish monetalaryn aınalysqa shyǵarady.
«Abaı» eskertkish monetalarynyń sıpattamasy:
Altynnan, kúmisten jáne neızılber qospasynan jasalǵan monetalardyń bet jáne syrt jaqtaryndaǵy beıneler birdeı. «Rroof» sapaly altyn jáne kúmis monetalardaǵy beıne jyltyr betke salynǵan.
Monetalardyń bet jaǵynda (aversinde) ortalyq bóliginde Qazaqstan Respýblıkasynyń eltańbasy beınelengen. Tómengi bóliginde monetanyń nomınalyn bildiretin san (altyn jáne kúmis monetada «500», neızılber qospasynan jasalǵan monetada «50») jáne «TEŃGE» degen jazý bar. Sol jáne oń jaq bóliginde ulttyq oıý-órnek elementi bir deńgeıde beınelengen, aınaldyra memlekettik tilde «QAZAQSTAN RESPÝBLIKASY» jáne orys tilinde «RESPÝBLIKA KAZAHSTAN» degen jazý bar. Joǵarǵy bólikte Qazaqstan Respýblıkasy Ulttyq Bankiniń logotıpi ornalasqan. Aınaldyra shyǵyńqy jıek.
Monetalardyń syrt jaǵynda (reversinde) ortalyq bóliginde qazaqtyń aǵartýshysy Abaıdyń portreti ornalasqan 20 teńgelik banknottyń bet jaǵynyń bir bóligi beınelengen. Aınaldyra memlekettik tilde «ABAI» degen jazý, soǵylǵan jylyn bildiretin «2015» degen san jáne banknottan alynǵan grafıkalyq elementter bar. Joǵarǵy bóliginde moneta daıyndalǵan metaldy, onyń synamyn jáne massasyn bildiretin jazý (altyn monetada «Au 999 7,78 g», kúmis monetada «Ag 925 31,1 g.») bar. Aınaldyra shyǵyńqy jıek.
Monetalardyń bet jáne syrt jaǵyndaǵy beıneler men jazbalar bederlengen.
Qyry (gýrty) bederli.
Monetalar:
1) 999 synamdy altynnan jasalǵan, massasy – 7,78 gramm, dıametri – 21,87 mm, daıyndaý sapasy – «proof», taralymy – 1 myń dana;
2) 925 synamdy kúmisten jasalǵan, massasy – 31,1 gramm, dıametri – 38,61 mm, daıyndaý sapasy – «proof», taralymy – 3 myń dana;
3) neızılber qospasynan jasalǵan, dıametri – 31 mm, massasy – 11,17 gramm, taralymy – 100 myń dana.
Eskertkish monetalar Qazaqstan Respýblıkasynyń búkil aýmaǵynda kórsetilgen qunymen tólemniń barlyq túrleri boıynsha, sondaı-aq shottarǵa, salymdarǵa, akkredıtıvterge esepteý úshin jáne aýdarym jasaý úshin qabyldanýǵa mindetti, Qazaqstan Respýblıkasynyń barlyq bankterinde shekteýsiz usaqtalady jáne aıyrbastalady.
Qazaqstan Respýblıkasy Ulttyq Bankiniń osy resmı habarǵa
túsindirmesi
Qazaqtyń aǵartýshysy ári oıshyly Abaıdyń portreti 1993 jylǵy úlgidegi 20 teńgelik banknottyń bet jaǵynda beınelengen bolatyn.
Qazirgi ýaqytta banknot aınalystan alynǵan.
Eskertkish monetalardy «Qazaqstan Respýblıkasy Ulttyq Bankiniń Qazaqstan teńge saraıy» sharýashylyq júrgizý quqyǵyndaǵy respýblıkalyq memlekettik kásiporny daıyndaǵan.
Monetalardyń dızaıny Qazaqstan Respýblıkasy Prezıdentiniń 2003 jylǵy 25 qyrkúıektegi № 1193 Jarlyǵymen bekitilgen Qazaqstan teńgesi – ulttyq valıýta banknottary men monetalary dızaınynyń tujyrymdamasyna sáıkes ázirlengen.
«Proof» sapasymen jasalǵan eskertkish monetalar kolleksııalyq quny boıynsha satýǵa arnalǵan. Olar kádesyılyq oraýmen shyǵarylady jáne Qazaqstan Respýblıkasy Ulttyq Bankiniń memlekettik, orys jáne aǵylshyn tilderindegi nómirlik sapa sertıfıkatymen jabdyqtalǵan.
Neızılber qospasynan jasalǵan eskertkish monetalardyń ár túriniń alty myń danasy jaqsartylǵan sapamen daıyndalǵan jáne satý úshin arnaıy plastıkalyq termovakýýmdy oraýǵa salynǵan.
Monetalardy Qazaqstan Respýblıkasy Ulttyq Bankiniń barlyq fılıaldarynda, sondaı-aq QRUB-nyń www.nationalbank.kz saıtynyń «Ulttyq valıýta» paraqshasyndaǵy ınternet-dúken arqyly satyp alýǵa bolady. Almaty qalasynda myna mekenjaı boıynsha satyp alýǵa bolady: Panfılov kóshesi, 98. Anyqtama úshin telefony (727) 273-83-98.
