Qazaqstan Respýblıkasy Mádenıet jáne sport mınıstrliginiń buıryǵy  №38

2014 jylǵy 17 qazan,  Astana qalasy «Qazaqstan Respýblıkasy Mádenıet jáne sport mınıstrliginiń Sport jáne dene shynyqtyrý isteri komıteti» memlekettik mekemesiniń erejesin bekitý týraly «Normatıvtik quqyqtyq aktiler týraly» 1998 jylǵy 24 naýryzdaǵy Qazaqstan Respýblıkasy Zańynyń 29-baby 1-tarmaǵynyń 6) tarmaqshasyna jáne Qazaqstan Respýblıkasy Úkimetiniń 2014 jylǵy 23 qyrkúıektegi № 1003 qaýlysymen bekitilgen Qazaqstan Respýblıkasynyń Mádenıet jáne sport mınıstrligi týraly erejesine sáıkes buıyramyn: 1. Qosa berilip otyrǵan «Qazaqstan Respýblıkasy Mádenıet jáne sport mınıstrliginiń Sport jáne dene shynyqtyrý isteri komıteti» memlekettik mekemesiniń erejesi bekitilsin (budan ári - Ereje). 2. Qazaqstan Respýblıkasy Mádenıet jáne sport mınıstrliginiń Sport jáne dene shynyqtyrý isteri komıteti zańnamada belgilengen tártippen: 1) osy buıryqtyń Qazaqstan Respýblıkasy Ádilet mınıstrliginde memlekettik tirkelýin; 2) osy buıryqtiń memlekettik tirkeýden ótkennen keıin kúntizbelik on kúnniń ishinde merzimdi baspa basylymdarynda jáne «Ádilet» aqparattyq-quqyqtyq júıesinde resmı jarııalanýyn; 3) osy buıryqtyń resmı jarııalanǵannan keıin Qazaqstan Respýblıkasy Mádenıet jáne sport mınıstrliginiń ınternet-resýrsynda ornalasýyn qamtamasyz etsin. 3. Osy buıryqtyń oryndalýyn baqylaýdy Qazaqstan Respýblıkasy Mádenıet jáne sport vıse-mınıstri T.Q. Esentaevqa júktelsin. 4. Osy buıryq 2014 jylǵy 21 qarashadan bastap qoldanysqa engiziletin Erejeniń 14-tarmaǵynyń 9) jáne 10) tarmaqshalaryn qospaǵanda, alǵash resmı jarııalanǵan kúninen bastap qoldanysqa engiziledi. Mınıstr A. MUHAMEDIULY. Qazaqstan Respýblıkasy Mádenıet jáne sport mınıstriniń 2014 jylǵy 17 qazandaǵy № 38 buıryǵymen bekitilgen «Qazaqstan Respýblıkasy Mádenıet jáne sport mınıstrliginiń Sport jáne dene shynyqtyrý isteri komıteti» memlekettik mekemesiniń erejesi 1. Jalpy erejeler 1. «Qazaqstan Respýblıkasy Mádenıet jáne sport mınıstrliginiń Sport jáne dene shynyqtyrý isteri komıteti» memlekettik mekemesi (budan ári - Komıtet) dene shynyqtyrý jáne sport, oıyn bıznesi salasyndaǵy salaaralyq úılestirýdi jáne memlekettik baqylaýdy júzege asyratyn Qazaqstan Respýblıkasy Mádenıet jáne sport mınıstrliginiń (budan ári - Mınıstrlik) vedomstvosy bolyp tabylady. 2. Komıtet óz qyzmetinde Qazaqstan Respýblıkasynyń Konstıtýsııasyn, Qazaqstan Respýblıkasynyń zańdaryn, Qazaqstan Respýblıkasy Prezıdentiniń jáne Úkimetiniń aktilerin, ózge de normatıvtik quqyqtyq aktilerdi, sondaı-aq osy Erejeni basshylyqqa alady. 3. Komıtet memlekettik mekemeniń uıymdastyrý quqyqtyq nysanyndaǵy zańdy tulǵa bolyp tabylady, memlekettik tilde óz ataýy jazylǵan móri men mórtańbalary, belgilengen úlgidegi blankileri, zańnamaǵa sáıkes qazynashylyq organdarynda shottary bolady. 4. Komıtet azamattyq-quqyqtyq qatynastarǵa óz atynan túsedi. Eger oǵan zańnamaǵa sáıkes ýákilettik berilse, Komıtettiń memleket atynan azamattyq-quqyqtyq qatynastardyń taraby bolýǵa quqyǵy bar. 5. Komıtet óz quzyretiniń máseleleri boıynsha zańnamada belgilengen tártippen tóraǵanyń nemese ony aýystyrýshy tulǵanyń buıryqtarymen resimdeletin sheshimder qabyldaıdy. 6. Komıtettiń qurylymy men shtat sanynyń lımıti qoldanystaǵy zańnamaǵa sáıkes bekitiledi. 7. Komıtettiń zańdy meken-jaıy: 010000, Astana qalasy, Esil aýdany, Orynbor kóshesi, № 8 úı, «Mınıstrlikter úıi» ǵımaraty, 2- kireberis. 8. Komıtettiń tolyq ataýy - «Qazaqstan Respýblıkasy Mádenıet jáne sport mınıstrliginiń Sport jáne dene shynyqtyrý isteri komıteti» memlekettik mekemesi. 9. Osy Ereje Komıtettiń quryltaı qujaty bolyp tabylady. 10. Komıtettiń qyzmetin qarjylandyrý respýblıkalyq bıýdjetten júzege asyrylady. 11. Komıtetke kásipkerlik sýbektilerimen Komıtettiń fýnksııalary bolyp tabylatyn mindetterdi oryndaý mánine sharttyq qatynastarǵa túsýge tyıym salynady. Eger Komıtetke Qazaqstan Respýblıkasynyń zańnamalyq aktilerimen kirister ákeletin qyzmetti júzege asyrý quqyǵy berilse, onda mundaı qyzmetten alynǵan kirister bıýdjettiń kirisine jiberiledi. 2. Komıtettiń negizgi mindetteri, fýnksııalary, quqyqtary men mindetteri 12. Mindetteri: 1) dene shynyqtyrý jáne sport, oıyn bıznesi salasyndaǵy memlekettik saıasatty ázirleýge jáne júzege asyrýǵa qatysý; 2) dene shynyqtyrý jáne sport salasyndaǵy salaaralyq úılestirýdi júzege asyrý; 3) Komıtetke júktelgen ózge de mindetter 13. Komıtettiń fýnksııalary: 1) tıisti salalarda normatıvtik quqyqtyq jáne quqyqtyq aktilerdi, sondaı-aq kelisimderdi, memorandým­dardy jáne kelisim sharttardy ázirleý; 2) dene shynyqtyrý jáne sport, oıyn bıznesi salasyndaǵy normatıvtik quqyqtyq aktilerge belgilengen zańnamalyq tártipte quqyqtyq monıtorıng júrgizý; 3) Komıtet óz quzyreti sheginde memlekettik qyzmet kórsetý kezinde tutynýshylardyń quqyqtaryn qorǵaýdy qamtamasyz etý; 4) Komıtettiń kadrlyq saıasatynda genderlik teńdik qaǵıdatyn saqtaýdy qamtamasyz etý; 5) Komıtettiń quzyretine jatatyn máseleler boıynsha túsindirý jumystaryn júzege asyrýdy qamtamasyz etý; 6) Komıtettiń quzyretine jatatyn máseleler boıynsha aqparattyq-nasıhattaý is-sharalaryn júzege asyrý; 7) zańnamada belgilengen sharttarda jáne tártipte ákimshilik quqyq buzýshylyqtar týraly hattamalardy jasaý, sondaı-aq ákimshilik quqyq buzýshylyqtar týraly isterdi qaraý; 8) Komıtettiń quzyretine jatatyn máseleler boıynsha strategııalyq jáne baǵdarlamalyq qujattardy ázirleýge qatysý; 9) «Oıyn bıznesi týraly» Qazaqstan Respýblıkasy Zańyna jáne Qazaqstan Respýblıkasynyń ruqsattar jáne habarlamalar týraly zańnamasyna sáıkes oıyn bıznesi salasyndaǵy qyzmetti lısenzııalaýdy júzege asyrý; 10) «Ruqsattar jáne habarlamalar týraly» Qazaqstan Respýblıkasynyń Zańyna sáıkes lotereıalardy uıymdastyrý jáne ótkizý jónindegi qyzmetti lısenzııalaýdy júzege asyrý; 11) Qazaqstan Respýblıkasy Prezıdentiniń-Elbasynyń testilerin ótkizý qaǵıdalaryn ázirleý; 12) Qazaqstan Respýblıkasynyń aýmaǵynda jáne odan tys jerde ótkiziletin sporttyq is-sharalarǵa daıarlanýy jáne qatysýy kezinde sportshylardy, jattyqtyrýshylardy jáne dene shynyqtyrý jáne sport salasyndaǵy mamandardy,barlyq sanattaǵy áskerı qyzmetshilerdi jáne quqyq qorǵaý jáne arnaıy memlekettik organdardyń qyzmetkerlerin materıaldyq qamtamasyz etý normatıvin ázirleý; 13) halyqaralyq sporttyq jarystar tizbesin, halyqaralyq sporttyq jarystardyń chempıondary men júldegerlerin, sport túrlerinen Qazaqstan Respýblıkasy qurama komandalarynyń (sport túrlerinen ulttyq qurama komandalardyń) jattyqtyrýshylary men múshelerin aqshalaı yntalandyrý tólemderi qaǵıdalaryn ázirleıdi, sondaı-aq Qazaqstan Respýblıkasynyń Úkimetine olardyń mólsheri týraly usynys engizý; 14) sportshylar men jattyqtyrýshylarǵa ómir boıy aı saıynǵy materıaldyq qamsyzdandyrýdy tóleý qaǵıdalaryn ázirleıdi, Qazaqstan Respýblıkasynyń Úkimetine olardyń mólsheri týraly usynystar engizedi jáne olardyń tólenýin qamtamasyz etý; 15) sport rezervin jáne joǵary dárejeli sportshylardy daıarlaý júzege asyrylatyn dene shynyqtyrý-sport uıymdary úshin sport túrleri boıynsha baǵdarlamalardy bekitý; 16) sporttyq federasııalardy akkredıtteý qaǵıdalaryn ázirleý; 17) buqaralyq aqparat quraldary salasyndaǵy ýákiletti organmen kelisim boıynsha «Úzdik sport jýrnalısi» ataǵyn berý qaǵıdalaryn ázirleý; 18) sport túrlerinde paıdalanylatyn janýarlar men qustardyń jem-azyǵy normatıvterin ázirleý; 19) oıyn bıznesin uıymdastyrýshynyń «Oıyn bıznesi týraly» 2007 jylǵy 12 qańtardaǵy Qazaqstan Respýblıkasynyń Zańymen belgilengen biliktilik talaptaryna sáıkestigin rastaıtyn qujattardyń tizbesi men nysandaryn ázirleý; 20) lısenzıardyń elektrondyq tizilimin júrgizý; 21) sport túrleri boıynsha Qazaqstan Respýblıkasynyń qurama komandalaryn (sport túrleri boıynsha ulttyq qurama komandalardy) Olımpıada, Paralımpıada, Sýrdlımpıada oıyndaryna jáne basqa da halyqaralyq jarystarǵa daıarlaý jónindegi uıymdastyrý komıtetteriniń quramdary boıynsha usynys engizý; 22) respýblıkalyq sport medısınasy uıymdarynyń basshylaryn qyzmetke taǵaıyndaıdy jáne qyzmetinen bosatý; 23) vedomstvolyq statıstıkalyq baqylaýlar júrgizý; 24) dene shynyqtyrý jáne sport salasyndaǵy kadrlardy daıarlaýdy, qaıta daıarlaýdy, olardyń biliktiligin arttyrýdy uıymdastyrý; 25) akkredıttelgen sporttyq federasııalarmen birlese otyryp, sport túrleri, onyń ishinde ulttyq, tehnıkalyq jáne qoldanbaly túrleri boıynsha, buqaralyq sport boıynsha, sondaı-aq ardager sportshylar arasynda respýblıkalyq jáne halyqaralyq jarystar ótkizý; 26) sport túrleri boıynsha Qazaqstan Respýblıkasy qurama komandalarynyń (sport túrleri boıynsha ulttyq qurama komandalardyń) múshelerin halyqaralyq sporttyq jarystarǵa daıarlaýdy jáne olardyń qatysýyn uıymdastyrady jáne júzege asyrý; 27) dene shynyqtyrý men sport salasyndaǵy ǵylymı zertteýlerdi, olardyń nátıjelerin Qazaqstan Respýblıkasynyń zańnamasyna sáıkes dene shynyqtyrý jáne sport praktıkasyna engizýdi uıymdastyrý jáne úılestirý; 28) sportta dopıngke qarsy is-sharalardy ótkizýge baqylaýdy júzege asyrý; 29) sportshylar men jattyqtyrýshylarǵa: «Qazaqstan Respýblıkasynyń eńbek sińirgen sport sheberi», «Qazaqstan Respýblıkasynyń halyqaralyq dárejedegi sport sheberi», «Qazaqstan Respýblıkasynyń sport sheberi», «Qazaqstan Respýblıkasynyń eńbek sińirgen jattyqtyrýshysy» sporttyq ataqtaryn berý; 30) biliktiligi joǵary deńgeıdegi joǵary sanatty jattyqtyrýshy, biliktiligi orta deńgeıdegi joǵary sanatty jattyqtyrýshy, biliktiligi joǵary deńgeıdegi joǵary sanatty ádisker, biliktiligi orta deńgeıdegi joǵary sanatty ádisker, biliktiligi joǵary deńgeıdegi joǵary sanatty nusqaýshy-sportshy, joǵary sanatty ulttyq sport tóreshisi, ulttyq sport tóreshisi biliktilik sanattaryn berý; 31) respýblıkalyq jáne óńirlik sporttyq federasııalardy akkredıtteýdi júzege asyrý; 32) sport túrleri boıynsha keshendi nysanaly baǵdarlamalardy jáne sport túri boıynsha Qazaqstan Respýblıkasy qurama komandalarynyń (sport túrleri boıynsha ulttyq qurama komandalardyń) sportshylaryn daıarlaýdyń jeke josparlaryn bekitý; 33) akkredıttelgen respýblıkalyq sporttyq federasııalardyń usynysy boıynsha sport túrleri boıynsha Qazaqstan Respýblıkasynyń qurama jáne shtattyq qurama komandalarynyń (sport túrleri boıynsha ulttyq qurama komandalardyń) quramyn jyl saıyn bekitý; 34) akkredıttelgen respýblıkalyq sporttyq federasııalarydyń usynysy boıynsha sport túrleri boıynsha Qazaqstan Respýblıkasy qurama komandalarynyń (sport túri boıynsha ulttyq qurama komandalarynyń) bas jattyqtyrýshylaryn jáne memlekettik jattyqtyrýshylardy laýazymǵa taǵaıyndaıdy jáne laýazymynan bosatý; 35) sport túrleri boıynsha Qazaqstan Respýblıkasy qurama komandalarynyń (sport túrleri boıynsha ulttyq qurama komandalardyń) múshelerine olardyń halyqaralyq sporttyq jarystarda sporttyq jaraqattar alýy jáne mertigýi kezinde ótemaqy tólemderin tóleýdi júzege asyrý; 36) sport túrleri boıynsha Qazaqstan Respýblıkasy qurama komandalarynyń (sport túrleri boıynsha ulttyq qurama komandalardyń) múshelerin halyqaralyq sporttyq jarystarǵa daıarlaý jáne oǵan qatysý kezinde saqtandyrýdy qamtamasyz etý; 37) respýblıkalyq akkredıttelgen sporttyq federasııalardyń usynystary boıynsha sporttyq-buqaralyq is-sharalardyń biryńǵaı respýblıkalyq kúntizbesin bekitedi jáne onyń iske asyrylýyn qamtamasyz etý; 38) dene shynyqtyrý-saýyqtyrý jáne sport ǵımarattarynyń paıdalanylýyn úılestirý; 39) sport mektepterine, sport mektepteriniń bólimshelerine «mamandandyrylǵan» degen mártebe berý; 40) dene shynyqtyrý- saýyqtyrý jáne sport ǵımarattarynyń tizilimin júrgizý; 41) halyqaralyq jáne respýblıkalyq sporttyq jarystarydyń erejelerin (reglamentterin) bekitý; 42) sporttyq is-sharalardyń shyǵystar qurylymyn bekitý; 43) halyqaralyq jáne respýblıkalyq jarystardy ótkizýge arnalǵan sporttyq ǵımarattardy jobalaý úshin tehnıkalyq erekshelikterdi jáne tehnıkalyq tapsyrmany akkredıttelgen respýblıkalyq sport federasııalarymen kelisý; 44) tıisti paralımpıadalyq, sýrdlımpıadalyq, arnaıy olımpıadalyq sport túrleri boıynsha qoǵamdyq birlestikter ázirleıtin múgedekterge arnalǵan dene shynyqtyrý- sporttyq úıymdardaǵy sport túrleri boıynsha oqý-jattyǵý prosesin, daıarlyq kezeńderiniń baǵdarlamasyn bekitý; 45) densaýlyq saqtaý salasyndaǵy ýákiletti organǵa sporttyq medısına uıymdarynyń aýmaǵynda shekteý is-sharalaryn, onyń ishinde karantın engizý (toqtatý) týraly usynystar engizý; 46) sport túrleri boıynsha Qazaqstan Respýblıkasynyń qurama komandalarynyń sporttyq is-sharalarǵa daıarlyǵyn medısınalyq qamtamasyz etýge qatysý; 47) halyqtyń fızıkalyq damý deńgeıin aıqyndaý; 48) oıyn bıznesin uıymdastyrýshylardyń Qazaqstan Respýblıkasynyń oıyn bıznesi týraly zańnamasyn saqtaýyn, sondaı-aq qylmystyq jolmen alynǵan kiristerdi zańdastyrýǵa (jylystatýǵa) jáne terrorızmdi qarjylandyrýǵa qarsy is-qımyl týraly Qazaqstan Respýblıkasy zańnamasynyń saqtaýyn baqylaýdy júzege asyrý; 49) lısenzıattardyń lısenzııada kórsetilgen talaptardy saqtaýyn baqylaý; 50) tıisti salalarda Qazaqstan Respýblıkasynyń zańnamasyn jetildirý jónindegi usynystardy ázirleý; 51) Qazaqstan Respýblıkasynyń zańdarynda, Qazaqstan Respýblıkasynyń Prezıdenti men Úkimetiniń aktilerinde kózdelgen ózge de fýnksııalardy júzege asyrý. 14. Quqyqtary men mindetteri: 1) óz quzyreti sheginde oryndaýǵa mindetti normatıvtik quqyqtyq aktilerdi qabyldaý; 2) memlekettik organdardan, uıymdardan, olardyń laýazymdy adamdarynan zańnamada belgilengen tártippen qajetti aqparatty jáne materıaldy suratý jáne alý; 3) Komıtettiń janynan konsýltatıvtik-keńesshi organdardy qurý; 4) Qazaqstan Respýblıkasynyń qoldanystaǵy zańnamasynda kózdelgen ózge de quqyqtardy júzege asyrý. 3. Komıtettiń qyzmetin uıymdastyrý 15. Komıtetke basshylyqty Komıtetke júktelgen mindetterdiń oryndalýyna jáne onyń fýnksııalaryn júzege asyrýǵa derbes jaýapty bolatyn Komıtettiń órazasy júzege asyrady. 16. Qomıtet tóragasy Qazaqstan Respýblıkasynyń zańnamasynda belgilengen tártipte qyzmetke taǵaıyndalady jáne qyzmetten bosatalady 17. Komıtet tóraǵasynyń Qazaqstan Respýblıkasynyń zańnamasymen belgilengen tártippen qyzmetke taǵaıyndalatyn jáne qyzmetten bosatylatyn orynbasarlary bolady. 18. Komıtet tóraǵasy Komıtettiń jumysyn basqarýdy uıymdastyrady jáne basshylyqty júzege asyrady, Komıtetke júktelgen mindetterdi oryndaýǵa jáne óz qyzmetterin júzege asyrýǵa derbes jaýapty bolady. 19. Komıtet tóraǵasynyń ókilettigi: 1) zańnamada belgilengen tártipte Komıtet qyzmetkerlerin laýazymǵa taǵaıyndaıdy jáne bosatady (Komıtet tóraǵasynyń orynbasarlaryn qospaǵanda ); 2) Mınıstrliktiń Jaýapty hatshysyna Komıtet tóraǵasynyń orynbasarlaryn taǵaıyndaý men qyzmetten bosatý týraly, sondaı-aq olardy yntalandyrý jáne tártiptik jaýaptylyqqa tartý týraly usynymdar engizedi; 3) issapar, eńbek demalysyn berý, materıaldyq kómek kórsetý, daıarlaý (qaıta daıarlaý), biliktilgin arttyrý, yntalandyrý, ústemeaqylar tóleý jáne syıaqy berý, sondaı-aq Komıtet qyzmetkerlerin (tóraǵanyń orynbasarlaryn qospaǵanda) tártiptik jaýapkershilikke tartý máselelerin sheshedi; 4) óz quzyreti sheginde buıryqtarǵa qol qoıady, Komıtet, qyzmetkerleriniń oryndaýy mindetti nusqaýlar beredi ; 5) qoldanystaǵy zańnamaǵa sáıkes memlekettik organdarda jáne ózge de uıymdarda Komıtettiń atynan áreket etedi; 6) Komıtette sybaılas jemqorlyqqa qarsy áreketke baǵyttalǵan sharalar qabyldaıdy jáne sybaılas jemqorlyqqa qarsy qabyldanǵan sharalarǵa derbes jaýapty bolady; 7) óziniń quzyretine jatatyn basqa da máseler boıynsha sheshim qabyldaıdy. Komıtet tóraǵasy bolmaǵan kezeńde onyń ókilettikterin qoldanystaǵy zańnamaǵa sáıkes ony almastyratyn tulǵa júzege asyrady. 20. Komıtet tóraǵasy óz orynbasarlarynyń ókilettikterin qoldanystaǵy zańnamaǵa sáıkes aıqyndaıdy. 4. Komıtettiń múlki. 21. Komıtettiń zańnamada kózdelgen jaǵdaılarda jedel basqarý quqyǵynda oqshaýlanǵan múlki bolý múmkin. Komıtettiń múlki oǵan menshik ıesi bergen múlik, sondaı-aq óz qyzmeti nátıjesinde satyp alynǵan múlik (aqshalaı kiristerdi kosa alǵanda) jáne Qazaqstan Respýblıkasynyń zańnamasynda tyıym salynbaǵan ózge de kózder esebinen qalyptastyrylady. 22. Komıtetke bekitilgen múlik respýblıkalyq menshikke jatady. 23. Eger zańnamada ózgeshe kózdelmese, Komıtettiń ózine bekitilgen múlikti jáne qarjylandyrý jospary boıynsha ózine bólingen qarajat esebinen satyp alynǵan múlikti óz betimen ıelikten shyǵarýǵa nemese oǵan ózgedeı tásilmen bılik etýge quqyǵy joq. 5. Komıtetti qaıta uıymdastyrý jáne taratý 24. Komıtetti qaıta uıymdastyrý jáne taratý Qazaqstan Respýblıkasynyń zańnamasyna sáıkes júzege asyrylady. Buıryq Qazaqstan Respýblıkasynyń Ádilet mınıstrliginde 2014 jylǵy 23 qazandaǵy Normatıvtik quqyqtyq kesimderdi memlekettik tirkeýdiń tizilimine №9823 bolyp engizildi.